Kim Kardashian afise amahigwe make yo kuvyara uwundi mwana

Kim Kardashian yaronse inkuru mbi ko adashobora kuzovyara uwundi mwana kandi yabishaka. Bivugwa ko n’umwana wa mbere yamuronse ku gihamana.

Urwandiko rwatanzwe n’ikinyamakuru ’’TMZ’’ ruvuga ko Kim Kardashian afise amahigwe make yo kuvyara uwundi mwana, bitayeko na North (umwana wa Kim wa mbere)yamuronse ku gihamana. Kugira Kim atware imbanyi yavutsemwo North, hari abahinga b’abaganga batatu bari bamukuye ku nzira ko adashobora kuvyara.

Mu gihe yashaka kuvyara umwana wa kabiri, abahinga mu vy’ubuvuzi bamubwiye ko afise amahigwe make yo gukurikiza North. Kim Kardashian afise intuntu kuva abimenye kuko yarafise icipfuzo co kuvyara umwana w’umuhungu n’umukobwa.