Accueil > Kwidagadura > Mumakungu > Miss Turkiya intahe imwokereye yaremeye icaha co gutuka umukuru (...)
Miss Turkiya intahe imwokereye yaremeye icaha co gutuka umukuru w’igihugu
mercredi 4 Ntwarante 2015
Ubucamanza bwo mu gihugu ca Turkiya buheruka kurengutsa Miss Merve Buyuksarac ku caha yagirizwa co gutuka umukuru w’ico gihugu Recep Tayyip Erdoğan. Ibitutsi yagirizwa yabicishije ku murongo wiwe wa Instagram.
![](local/cache-vignettes/L672xH449/-4400-6ea54.jpg?1551089886)
Nk’uko ikinyamakuru Hürriyet Daily News co mw’ico gihugu kibivuga, urwandiko rukoze nk’ururirimbo"poeme" uwo mu Miss yasohoye kuri Instagram rwarimwo amajambo agize ururirimbo ruhayagiza igihugu. Ariko yaciye amera nk’uwuruhinduramwo ibitutsi vy’umukuru w’igihugu Erdogan.
Naho biri uko, Miss Merve Buyuksarac w’imyaka 26 arahakana icaha, avugako urwandiko "poeme" yatangaje maze rugaca no mu kinyamakuru gisohoka buri ndwi Uykusuz, atashatse gutukana, agira ati:"Nabigize nk’ugufyina kubera numva biryohera. Sinashatse gutuma umukuru w’igihugu Erdogan". Ivyo yabivuze intahe iriko iramwokera. Ikindi avuga ni uko yaciye afuta iyo"poeme"aho amariye kwumva ko ashobora gukurikiranwa n’ubutungane.
Icaha kikamwagira ashobora gupfungwa imyaka ine, aba n’abandi bavuga ko muri ico gihugu ubwigenge bwo gushikiriza iciyumviro buri kure nk’ukwezi.
Urwo rwandiko rwa Miss Merve Buyuksarac, ruje gutyoza umukuru w’igihugu Erdogan aheruka kuja ku butegetsi vuba (mu kwezi kwa Myandagaro 2014), aho yaramaze imyaka 11 ari umushikiranganji wa mbere.
Cherif Nkeshimana