Mu mwaka w’2025, indwara y’ivumbuka ry’amaraso izokwiha inkumbi

Ivumbuka ry’amaraso canke ukwongerekana kw’ibipimo bihitana abantu barenga umuliyalidi kw’isi yose. Ku vyerekeye ukubura kw’urukingo, abantu barenga imiliyoni ijana na mirongi itanu, benshi bo muri Afrika, bashobora kuzohitanwa n’izo ndwara gushika mu mwaka w’2025.

Ivyo tubikura mu cegeranyo cashizwe ahabona n’umushikiranganji w’amagara y’abantu no kurwanya ikiza ruhonyanganda Sida, Muganga Sabina Ntakarutimana yashize ahabona kuwa gatandatu igenekerezo rya 6 Ndamukiza umwaka w’2013, mu gihe ku genekerezo ry’indwi Ndamukiza isi yose ihimbaza umusi mpuzamakungu wahariwe amagara y’abantu.