Sendika y’abaforoma SYNAPA ntirota ihagarika yegereyegere

Kuri uyu wambere igenekerezo rya 17 Kigarama, 2012, Mélance Hakizimana arongoye sendika y’abaganga SYNAPA yarahaye ikiganiro abamenyeshamakuru , aho yamenyesheje ko bagiye kubandanya yegereyegere, iyo nayo ikaba yatanguye indwi igira Gatatu kuri uyu wa mbere.

Uwurongoye sendika yavuze ko yegereyegere igiye kubandanya,ariko rero mugitondo co kuri uyu wambere nyene icegera ca kabiri c’umukuru w’igihugu Gervais Rufyikiri yari yahaye umubunano abaserukira iyo sendika abasaba gusubira kumirimo .Ako kamo kakaba katitabwe kuko ibiganiro hagati ya Reta n’abaserukira ama sendika kugira barabire hamwe ishigwa mungiro ry’amasezerano bagiraniyeye mumwaka w’2009,ngo ari ngombwa ,nkuko Mélance Hakizimana yabishimitse ko .

Yarangije amenyesha ko bagiye kubandanya bakora ibikorwa bibayabaye nk’uko bahora , ariko ngo ingingo zindi zirashobora gufatwa kugirango bahagararire uburenganzira bwabo .