Rwanda: Umuririmvyi Kizito Mihigo yaciriwe gupfungwa ubuzima bwiwe bwose

Umuririmvyi wo mu gihugu c’ Urwanda, Kizito Mihigo yaciriwe umunyororo wo gupfungwa ubuzima bwiwe. Yagirizwa icaha co guhungabanya umutekano no gukorana n’imirwi y’iterabwoba yaho mu Rwanda mu kurwanya ubutegetsi.

Kizito yemanga imbere y’abamenyeshamakuru icaha yagirizwa

Ubutungane bwo mu gihugu c’Urwanda bwaciriye igihano co gupfungwa ubuzima bwiwe bwose umuririmvyi Kizito Mihigo. Uwo muririmvyi yagirizwa guhungabanya umutekano no gukorana n’imirwi ya FDLR na RNC mukurwanya ubutegetsi bw’i Kigali.

Mwomenyako Kizito Mihigo yafashwe hamwe n’umusirikare Jean Paul Dukezumuremyi na Cassien Ntamuhanga arongoye insamirizi ’’Amazing Grace’’. Abo bagabo batatu bafashwe n’abajejwe umutekano kw’igenekerezo rya 14 Ndamukiza 2014, bukeye kw’igenekerezo rya 15 Ndamukiza 2014, abo bafashwe baremeye icaha bagirizwa imbere y’abajejwe umutekano n’abamenyeshamakuru.

Kizito Mihigo azwi mu ndirimbo nka "Ni wewe ndangamiye Nyagasani", yumvirize aha munsi.