Zambiya: Indwara ya cholera yibonekeje

Indwara ya cholera yibonekeje mu buraruko bw’igihugu ca Zambiya muri ino ndwi.Abantu 30 bakaba aribo bamaze kwandukirwa mu minsi itatu.

Muri ino ndwi indwara ya cholera yibonekeje mu buraruko bw’igihugu ca Zambiya mu karere ka Mwense ku birometero vyababa 700 uva ku murwa mukuru Lusaka.
Nkuko Lackson Ndhlovu umukuru w’akarere k’ubuvuzi yabibwiye radio publique zambienne ngo bamaze kwakira abantu 30 boba bafashwe n’iyo ndwara mu bitaro vya Mission Mambilima.

Indwara ya cholera rero isanzwe ifatira mu nda bivuye kuko infungurwa canke amazi bitaba vyisyeye neza bivuye kuko biba vyatewe n’umugera witwa vibrio cholera ibi rero bikaba vyama vyibonekeza mu gihe c’imvura muri ico gihugu,abantu barenga mu majana akaba aribo bafatwa. Ariko rero igihugu ca Zanbiya kikaba gifise ivyankenerwa vyo gukingira igwirirana ry’ico kiza ibituma n’impfu zitaba nyinshi.

Mwomenya ko no muri Afrika y’uburengero ikiza ca cholera kikunda kwibonekezayo kuko nko mu mwaka wa 2012, mu bihugu vya Sierra Leone na Guinee abantu barenga 400 baritavye imana kubera ico kiza.