Abajejwe intwaro basabwa guhamagarira abanyagihugu kwiyandikisha ata gikenye kigiyemwo

Yanditswe na MUGISHA Van Naris
Kuya 16 février 2018 saa 09:18
Yasomwe :
0 0

Umwunganirizi w’umushikiranganji w’intwaro yo hagati mu gihugu akaba n’umuvugizi w’ubushikiranganji Therence NTAHIRAJA, asaba abahagarika abanyagihugu bakabasaba udupapuro twerekana ko biyandikishije ngo bazokwitabe amatora kubihagarika. Asaba abajejwe intwaro guhimiriza abanyagihugu kwiyandikisha ata gikenye kigiyemwo.

Mu gihe haheze iminsi hari amakuru avuga ko hari abantu bihaye igikorwa co guhagarika abantu bakabasaba kwerekana udupapuro twemeza ko biyandikishije ngo bazokwitabe amatora,umwunganirizi w’umushikiranganji w’intwaro yo hagati mu gihugu avuga ko kwiyandikisha ari ku gushaka, ariko kandi ko ukutiyandikisha ari ukwiyaka ubenegihugu.

Therence NTAHIRAJA avuga ko kuba umuntu adafise agapapuro kerekana ko yiyandikishije kugira azokwitabe amatora itoba inyanduruko yo kwima umunyagihugu ivyo afitiye uburenganzira, agasaba abajejwe intwaro ku nzego zose ko umunyagihugu asaba ivyo afitiye uburenganzira bobimuha.

Umwunganirizi w’umushikiranganji bw’intwaro yo hagati mu gihugu amenyesha ko uwofatwa asubiye kwaka umuntu ako gapapuro kerekana ko yiyandikishije azohanwa m’amategeko, agahamagarira abajejwe intwaro n’abajejwe umutekano gufasha mw’ishirwa mu ngiro ry’iyo ngingo.

Igikorwa co kwiyandikisha ngo abarundi bazokwitabe amatora yo kweneza canke guhakana ibwirizwa nshingiro catanguye kw’igenekerezo rya 8 Ruhuhuma 2018, kikazohera kur’uyu wa gatandatu igenekerezo rya 17 Ruhuhuma 2018.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha