Abanyeporitike batatu bandikiye abategetsi batatu bakomeye ku kibazo c’amatora y’ibwirizwa shingiro

Yanditswe na MUGISHA Van Naris
Kuya 16 avril 2018 saa 02:38
68565
0 0

Imigambwe hamwe n’abanyeporitike batavuga rumwe na Reta, basaba umukuru w’ishirahamwe ry’Ubumwe bwa Afrika Paul KAGAME, umukuru w’igihugu c’Ubuganda akaba ari nawe ahagarariye ibiganiro bihuza abarundi Yoweri Kaguta Museveni, hamwe n’umunyamabanga w’ishirahamwe mpuzamakungu ONU Antonio Guterres gukoresha ububasha bafise, kugira bahagarike amatora yo kwemeza canke guhakana ibwirizwa nshingiro mu Burundi, kw’igenekerezo rya 17 Rusama 2018.

Mu rwandiko rwateweko umukono na Nestor GIRUKWISHAKA, umunyamabanga ajejwe imigenderanire mu mugambwe FNL-Amizero kw’izina ry’umukuru w’Urunani Abigenga Amizero y’Abarundi Agathon RWASA, icegera c’umukuru w’umugambwe FRODEBU Leonce NGENDAKUMANA, n’umukuru mfatakibanza w’umugambwe UPRONA ishami ritavuga rumwe n’ubutegetsi Evariste NGAYIMPENDA, bamenyesha ko hamwe integuro y’ibwirizwa nshingiro yokwemezwa, amasezerano y’amahoro no guhagarika intambara yoba azimanganijwe.

Abo banyeporitike bavuga ko ivyavuye muri ayo masezerano yateweko umukono kw’igenekerezo rya 18 Ntwarante 2005, mu bijanye no gutsimbataza amahoro n’umutekano, hamwe n’umubano mwiza hagati y’abarundi bizoba binigiwe mu menshi, hamwe integuro y’ibwirizwa nshingiro rishasha yokwemezwa.

Muri urwo rwandiko, abo batavuga rumwe na Reta bamenyesha ko kwemeza ibwirizwa nshingiro rishasha bizotuma abafise ibitigiri bito muri poritike batazosubira kugira ikibanza haba mu nzego z’umutekano canke zo kwivuna abansi.

FNL-Amizero, umugambwe FRODEBU hamwe n’umunyaporitike Evariste NGAYIMPENDA basigura ko iryo bwirizwa nshingiro rigiye kwemezwa canke guhakanwa hamwe ryemejwe ata cizere na kimwe co gusubira mu ntwaro rusangi ya Poritike.

Abo banyeporitike batavuga rumwe na Reta bamenyesha ko ata handi abarundi bizeye urukiza, atari mu gukorera hamwe kw’abo bandikiye bahagarariye ishirwako umukono ku masezerano ya Arusha.

Urwo rwandiko rwarungikiwe umukuru w’igihugu ca Tanzaniya, umukuru w’igihugu ca Kenya,umukuru w’igihugu ca Afrika y’Epfo, umukuru w’igihugu ca Sudani y’Ubumanuko, umuhuza mu bibazo vy’abarundi akaba n’umukuru w’igihugu c’Ubuganda.


Kumenyekanisha

1
Niyibogora Japhet 25-05-2018 à 13:38

Abanyepolitike Barakwiye Kwikubita Agashi Bagafata Ingingo Hakiri Kare Kuko Iyo Babona Ko Iryobwirizwa Nshingiro Rikwiye Kuguma Uko Riri Ntibari Kwirigwa Baritaba Amatora ! Bamaze Kuyitaba Bisigura Ko Ibivamwo Vyose Bategerezwa Kuvyemera Kuko Haburana Babiri....! Agato Gwasa Arakwiye Kwirinda Abamuhenda ! Kuko Abandanije Azohava Asanga Atamunywanyi Numwe Asigaranye ! Niyemere Aho Intahe Yashize !

2
[email protected] 5-05-2018 à 08:33

gutora oya canke ego n’uburenganzira bw’umuntu uwo ariwe wese. oya irafise igituma na ego nikwo kw’uko. rero nta guhata umuntu ngo gira iki canke kiriya.

3
Habonimana Jean De Dieu 18-04-2018 à 21:53

Ico Nobwira Abobaatama Ko Bemera Ko Bafis Abafana Nibabigish Bazotor Oya : Mugobo Iconzi Ntamuntu Akuz Kandi Yiyubaha Yovamuhira Ajanyw Nukuvugango Oya !!?Ndans Ibera Umusazi

4
Jovial 18-04-2018 à 16:22

Ivyo ntamurundi w’umutima vyotesha umwanya. Izo mvugo turazimenyereye mubihe nk’ibi vy’amatora. Mwibuke neza aba bagabo ko 2015 babwiye abarundi n’amakungu ko batarota bitaba amatora ariko bakaba abambere kwandikisha imigambwe yabo muri CENI. Twararindiriye ko bakurayo dossiers zabo turabura, vyumvikana ko amatora bayitavye bavuga ko batarota bayitaba : Une chose et son contraire. Uyu musi ntamisi irahera bavuye kwandikisha imigambwe yabo kugira bazitabe amatora y’ibwirizwa shingiro...none ngo yamara yamara ayo matora ntakabe !!! TUVUGANE UKURI : utamba utambikije ukaruhira gutabuka. UPRONA umushingantahe NGAYIMPENDA yarimwo 2005 igihe Ibwirizwa Shingiro ry’uyu musi ryatorwa yigisha ko abanyagihugu borihakana bati OYA, aho ni mugihe Léonce na FRODEBU yiwe yari irongoye intwaro mfatakibanza bigisha bati TORA EGO. Ko Léonce yiyamiriza ihinduka ry’igikorwa cakozwe n’intwaro y’umugambwe wiwe ntibitangaje ariko ko babihurizako na Ngayimpenda yari yiyamirije ico gikorwa navyo biratangaje. Abanyepolitique b’abarundi bamwe bamwe boreka kudusamaza n’izo nkinamico zabo

5
Pasco 18-04-2018 à 15:17

Ndabona Ko Badusaziye Nabi Muri Politique.Ils Sont Vieux En Politique.They Are Old In Politic.Nibakukuruke.

6
Mama 18-04-2018 à 05:12

Mutama Rwasa Agathon, aratunaniye ntakundi turamuvuye inyuma niyibandanirize aronderera inyungu abamukoresha batari abanamarimwe ekambere batari nabarundi.
Genda Agathon urambabaje uwakurose ntiyakaravye !!!

7
niyungek sositeni 17-04-2018 à 20:03

ahaa !!! barashekej kwer abobanyacyubahir ntabw aribobatuyobo turabiyamy

8
NDYISENGA 17-04-2018 à 14:19

Abo Bakozi Babazungu Politiqe Yabananiye Bitahire Kurima Barekere Ababishoboye

9
Havyarimana Leonard 17-04-2018 à 11:51

Andika hano Nibareke kuguma baboroga ,naho bari baramenye amagaburanyama nibaze twege abarundi tubashire kumunzane uwadutwaye aducurika tumusezerere burundu.

10
NDAYISHIMIYE LADISLAS 16-04-2018 à 21:50

Abo banyacubahiro ntibandikiw ngo batamikwe ingingo bofata.bazoraba ikibereye uburundi nabarundi.bakabikora nabi amahano yoguye kuburundi azogwe kubihugu vyabo gusa !

11
jean de dieu 16-04-2018 à 21:16

aho birabananiye kuko bishinga amajambo aho kwishinga ibikogwa namba atabanwanyi bafise nibatekereze ababafise tubatore ; none abo bandikiye nibo banwanyi bafise canke nibo batwara uburundi ?

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha