Abanyeshure bazokwiga muri Kaminuza y’Uburundi babwiwe ibisata bazokwigamwo

Yanditswe na Vianney BIKORIMANA
Kuya 29 Myandagaro 2017 saa 09:21
Yasomwe : 12150
0 0

Intonde z’ibisata abanyeshure bahawe muri Kaminuza y’uburundi hamwe no kw’ishure nderabigisha "ENS" ku banyeshure bakoze ikibazo ca Reta c’umwaka wa 2016 zamanitswe mu kigo ca Kaminuza muri zone Rohero. Ubushikirangi bw’indero bumenyesha ko abipfuza kuzisoma botangura kuja kuziraba kuva kuri uwu wa kabiri igenekerezo rya 29 Myandagaro 2017.

Mw’itangazo umuyobozi mukuru w’amashure ya kaminuza yasohoye kuri uwu wa 28 Myandagaro 2017, Anastasie GASOGO amenyesha ko abipfuza guhindura ibisata bahawe ko babwirizwa kwandikira umukuru w’umugwi ujejwe gutanga ibisata muri Kaminuza y’Uburundi hamwe no kw’ishure nderabigisha ENS bitarenze igenekerezo rya 15 Nyakanga 2017 igihe c’isaha zitandatu z’umutaga.

Abipfuza guhindura ibisata vyabo basabwa kandi kubisaba bisunze ibisata biriho hamwe n’ibibanza biriho, badasize inyuma amanota baronse mu kibazo ca Reta.

Iryo tangazo rirangiza rimenyesha ko amakete y’abasaba guhinduza ibisata ko ashikirizwa mu biro vy’umwanditsi mu gisata c’inyigisho zikuru za Kaminuza kw’ibarabara ryitiriwe Uprona, mu masaha y’akazi kuva isaha zibiri z’agatondo gushika isaha icenda z’umuhingamo.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha