Umugambwe APDR uvuga ko udashima ingingo yo kugara amwe mu mashure

Ivyo babishikirije mu gihe hari amashure amwamwe yo mu gisagara ca Bujumbura,amashure 2 yo mu ntara ya C’ibitoke hamwe n’ishure ryo mu ntara ya Rumonge yugawe kubera atashoboye kumenyesha bishimishije.

Gabriel BANZAWITONDE avuga ko ivyo kugara amashure bitera ibibazo kuko hashobora kuba igihe umwimbu w’ishure ukaba nabi ariko mu kindi gihe umwimbu ukagenda neza.

Uyo arongoye umugambwe APDR avuga ko amakenga bafise aruko ayo mashure yugaye imiryango abana bahora bahiga bashobora kubura amwe mu madosiye yabo.

Mu mugambwe APDR bavuga ko iyo ishure ritamenyesheje biha akaryo umuyobozi waryo gushira ku murongo ishure ryiwe mu guhindura abigisha no kunagura akanovera karyo.

Gabriel BANZAWITONDE asaba ko iyo ngingo yoza iritonderwa kuko bishobora kujuragiza abana ndetse nukwihebura bakihebura.