Aloys BARICAKO yumvirijwe irigira kabiri n’igendereza

Yanditswe na Egide NDUWIMANA
Kuya 31 Ntwarante 2018 saa 10:49
10380
0 0

Umukuru w’umugambwe RANAC utavuga rumwe n’ubutegetsi bw’i Bujumbura yasubiriye gufatwa n’igendereza, mu nyuma ararekurwa abanje kwumvirizwa.

Ku ncuri igira kabiri, Aloys BARICAKO, umukuru w’umugambwe RANAC yafashwe kuri uwu wa gatanu mu gihe yari yatumweko guhabwa Terefone ziwe ngendanwa zari zafashwe n’igendereza. Ashitse hafi y’ahakorera igendereza i Bujumbura, Aloys BARICAKO yaciye asubira gufatwa, yumvirizwa irigira kabiri. Yarekuwe nk’igihe c’isaha icenda z’umurango, ariko Terefone ziwe akaba atazihawe, akaba azosubira kwitaba niyatumwako.

JPEG - 107.3 ko
Aloys BARICAKO, umukuru w’umugambwe RANAC

Aloys BARICAKO yumvirijwe irigira kabiri mu gihe uwutwara umugambwe arongoye mu ntara ya Muramvya, Daniel MANIRAKIZA apfunzwe nawe nyene, mu giporisi bakamenyesha ko yagirizwa ugushaka guhungabanya umutekano w’igihugu.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha