Angola :Abatavugarumwe na Reta basaba ko ivyavuye mu matora biharurwa gushasha

Yanditswe na Vianney BIKORIMANA
Kuya 4 Nyakanga 2017 saa 02:32
Yasomwe : 2889
0 0

Imigambwe ine itavugarumwe n’ubutegetsi bw’igihugu ca Angola yasavye ishimitse ko hosubirwamwo iharurwa ry’amatora yabaye igenekerezo rya 23 myandagaro 2017 kuko yaranzwe n’utunenge vyatumye biha intsinzi umugambwe umaze imyaka 42 uri k’ubutegetsi .

Umukuru w’umugambwe Unita usanzwe utavuga rumwe na Reta ya Angola ,Isaias Samakuya yamenyesheje mw’itangazo ryatewe umukono n’iyindi migambwe itatu itavugarumwe na Reta ariyo CASA-CE,Abel Chivukuvu,PRS na FNLA ko igikorwa co gushikiriza ibiharuro vya nyuma y’ivyavuye mu matora ko bitakwirikijwe uko mategeko abisaba.

Iyo migambwe itavugarumwe na Reta imenyeshako iruhande y’utunenge twibonekeje mu guharura amajwi ko hariho amasandugu y’amatora yazimiye hamwe n’izindi sandugu z’amatora zazanywe zitazwi iyo zivuye ,amakarata y’amatora yaburiwe irengero hamwe n’abantu batazwi bibonekeje mu gikorwa co guharura amajwi biciye kubiri n’amategeko, bigaragara ko igikorwa c’amatora ko cakozwe biciye kubiri n’ibwirizwa shingiro hamwe n’amategeko agenga amatora.

Urwo runni rutavuga rumwe na Reta rusaba igikorwa co guharura amajwi ko cosubirwamwo na cane cane mu ntara zo hagati mu gihugu bihagarikiwe n’amashirahamwe ataharanira inyungu za poritike birikumwe n’abaserukira amashengero.

Bimenyeshako ivyo iyo migambwe isaba niyo bitumvirwa ko abo batavuga rumwe na Reta bazoca bfata izindi nzira zemewe z’amategeko mu guharanira ivyo basaba.

Umugwi w’igihugu ujejwe gutegura amatora wamenyesheje inyuma y’imisi ibiri amatora aheze ko umugambwe MPLRA(Le Mouvement populaire pour la libération de l’Angola ) watahukanye intsinzi ku majwi 61,1 kw’ijana hamwe n’ivyicaro 150 mu nama nshingamateka kuvy’icaro 220 bisanzwe bitegekanijwe ,umugambwe Unitanawo uronka amajwi 26 kw’ijana hamwe n’amajwi 9 kw’ijana vy’umugambwe Casa-Ce.

Mwomenya ko bitegekanywa ko intsizni y’umugambwe MPLRA izotuma uwahoze ari umushikiranganji wo kwivuna abansi Joao Lourenco aca aba samuragwa wa Jose Eduardo Santos w’imyaka 75 yahisemwo kuja mu zabukuru inyuma y’imyaka 38 atwara ico gihugu.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha