Bubanza-Mpanda: Abayoboke 5 b’umushingamateka Agathon RWASA baramaze guta izabo

Yanditswe na MUGISHA Van Naris
Kuya 27 Ruheshi 2017 saa 08:42
Yasomwe : 5958
0 0

Abarongoye umugambwe FNL urongowe n’umushingamateka Agathon RWASA muri komine Mpanda,intara ya Bubanza bamenyesha ko Abanywanyi batanu bamaze guta izabo,kubera ubwoba bwo guhagarikwa no gupfungwa.

Amakuru ava mu barongozi b’umugambwe FNL urongowe n’umushingamateka Agathon RWASA bavuga ko abanywanyi babo bahohoterwa iyo babasavye kwinjira mu mugambwe CNDD-FDD ariko bakavyanka.

Abo barongoye umugambwe FNL urongowe na Agathon RWASA bamenyesha ko n’abanywanyi babo basigaye mu mihana baguma binyegeje, kubera gutinya kugirirwa nabi na bamwe mu bari mu rwaruka rw’umugambwe CNDD-FDD.

Abatarata ingo zabo basaba abajejwe intwaro n’umutekano gukora ibishoboka vyose kugira ibikorwa vy’iterabwoba no gutoteza abanywanyi b’umugambwe FNL urongowe n’umushingamateka Agathon RWASA bihagarare.

Mu gipolisi muri komine Mpanda basaba abataye ingo zabo kugaruka mu mihana yabo,kuko ata kandi kazi bafise atari gucunga umutekana w’abanyagihugu.


Kumenyekanisha

1
Donata 27-06-2017 à 11:02

Rwasa umengo nta kibazo bimuteye. Yibandaniriza guhekenya inoti za Assemblée Nationale.
Ubu yaryohewe, no kuva kurirya ntebe, aze akore, ntibikunda! Narindire, les DD bazomukerera vuba!

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha