Evariste NDAYISHIMIYE : "Ibibazo bisigaye ntibisaba umuhuza"

Yanditswe na Egide NDUWIMANA
Kuya 7 Mukakaro 2017 saa 10:16
Yasomwe : 19188
0 0

Umunyamanga mukuru w’umugambwe CNDD FDD Evariste NDAYISHIMIYE avuga ko yatangajwe n’ikete bamwe mu batavuga rumwe n’ubutegetsi bandikiye umuhuza mu biganiro vy’Abarundi bamusaba ko ibiganiro agiye gusubira gutunganya vyotumirwamwo bose kandi bikabera hanze y’Uburundi.

Evariste NDAYISHIMIYE amenyesha ko ibiganiro bisigaye mu Burundi ni ibiraba amatora, iterambere, ivyo navyo akavuga ko bizokwama biganirwako. Ku bwiwe, intango y’ibiganiro vyatunganirijwe i Arusha yari uruhagarara rwari mu Burundi.

"Vyari ngombwa ko haba ibiganiro kuko hari n’abari hanze bategerezwa kuja muri ivyo biganiro."
, uko niko umunyamabanga mukuru wa CNDD FDD asigura, akavuga ahubwo ko ubu hageze gushira mu ngiro ivyavuye mu biganiro bihuza Abarundi bitunganijwe n’umurwi CNDI.

Umugambwe CNDD FDD wasavye ko umuhuza Benjamin William MKAPA yoza mu Burundi, agatanga icegeranyo c’aho agejeje igikorwa cahawe, kuko nk’uko bivugwa na Evariste NDAYISHIMIYE, hageze ko abarundi bitunganiriza ibibazo vyabo.

Muri uwo mugambwe bagiriza abandikiye umuhuza ko barangwa n’agatima k’ukwanka amatora, bakagiriza kandi ko abo bandikiye umuhuza ari abantu babuze ico bavuga kubera imigambi yabo igayitse bahora banyegeje iriko iraja ahabona. Evariste NDAYISHIMIYE ati : "Ibibazo bisigaye ntibisaba umuhuza.".

JPEG - 42.6 ko
Umunyamanga mukuru w’umugambwe CNDD FDD Evariste NDAYISHIMIYE

Kumenyekanisha

1
Wakera 10-07-2017 à 11:16

Iyimbonerakure irateye agahinda! Aha yashize agati muryinyo ngo amabi ubutegetsi bw’icaduka bwabo bwirirwa burakora ko bizijana! izo nindoto! God damn him

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha