Gitega : Umugambwe FNL urongowe na Agathon RWASA usaba ko abanywanyi bapfunzwe barekurwa

Yanditswe na MUGISHA Van Naris
Kuya 15 juin 2017 saa 08:35
Yasomwe : 2979
0 0

Abaserukira abandi mu mugambwe FNL urongowe n’umushingamateka Agathon RWASA mu ntara ya Gitega bamenyesha ko uruhigi,agatotezo n’iterabwoba biriko bikorerwa abayoboke b’umushingamateka Agathon Rwasa bigeze ku rugero ruri hejuru cane.

Abo baserukira abandi mu mugambwe FNL urongowe na Agathon RWASA, bavuga ko mu gice ca kabiri c’umwaka wa 2017 abayoboke b’umushingamateka Agathon RWASA 13 bapfunzwe ku karenganyo.

Abaserukira abandi mu mugambwe FNL urongowe na Agathon RWASA baragaruka ku bayoboke b’umushingamateka Agathon RWASA bapfunzwe mw’ibohero rikuru ryo mu ntara ya Gitega harimwo 7 bava muri komine Nyarusange,2 bo muri komine ya Gitega bapfunzwe kuva kw’igenekerezo rya 16 Rusama 2017,kandi bari bejejwe n’ubutungane.

Abo baserukira abandi mu mugambwe FNL mu ntara ya Gitega baragaruka kandi kw’ihagarikwa ry’abayoboke 4 b’umugambwe FNL urongowe na Agathon RWASA bo ku mutumba wa Bwoga, komine n’intara ya Gitega bapfungiwe mu busho n’ibohero vya Gitega,hamwe n’ibikorwa vyo gusaka ingo z’abayoboke b’umugambwe FNL,ivyo vyose bikaba ata mpapuro zerekana ko abakora ivyo bikorwa babifitiye uburenganzira.

Abarongoye abandi mu mugambwe FNL urongowe n’umushingamateka Agathon RWASA mu ntara ya Gitega basaba ubutungane gukora ataho buhengamiye ,kugira abanywanyi b’umugambwe FNL urongowe na Agathon RWASA bapfunzwe barekurwe kuko ata kindi bariko barazira atari ivyiyumviro vyabo vya politike.


Kumenyekanisha

Kumenyekanisha

Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha