Ibiro vy’umukuru w’igihugu vyatunganije ikiganiro inyuma y’inama y’i Geneve

Yanditswe na MUGISHA Van Naris
Kuya 22 Ruheshi 2017 saa 10:14
Yasomwe : 14193
0 0

Inyuma y’inama yabereye i Geneve ku magenekerezo ya 14 na 15 Ruheshi, ku bijanye n’agateka ka zina muntu mu Burundi, umuhanuzi mukuru ajejwe kumenyesha amakuru mu biro vy’umukuru w’igihugu Ambassadeur Willy NYAMITWE ari kumwe n’icegera c’umuvugizi w’umukuru w’igihugu Alain Diomede NZEYIMANA bazoremesha ikiganiro kuri uno wa gatanu igenekerezo rya 23 Ruheshi 2017.

Ico kiganiro co guhanahana ivyiyumviro catunganijwe mu ntumbero yo kwihweza uko inama yabereye i Geneve yagenze, aho umurwi ujejwe amatohoza mu Burundi washikirije icegeranyo ku bijanye n’agateka ka zina muntu mu Burundi.

Ico kiganiro kizobera mu nyubakwa za Hotel Best Outlook Hotel, kuva igihe c’isaha icenda gushika isaha icumi n’imwe z’umugoroba.

Mu kiganiro giheruka cabaye kw’igenekerezo rya 2 Ruheshi 2017 imbere y’uko icegeranyo gishikirizwa, umuhanuzi mukuru ajejwe kumenyesha amakuru mu biro vy’umukuru w’igihugu, Ambassadeur Willy NYAMITWE ari kumwe n’umuvugizi w’umukuru w’igihugu Jean Claude KARERWA bari bavuze ko igihugu c’Uburundi ata ciza citeze kizova muri iyo nama y’i Geneve.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha