Ikigo ISTEEBU kivuga ko ukwezi kwahariwe ibiharuro mu gihugu kugiye guhimbazwa

Yanditswe na Vianney BIKORIMANA
Kuya 19 October 2018 saa 03:57
9570
0 0

Ikigo kijejwe gutororokanya ibiharuro vy’ubuzima bw’igihugu ISTEEBU kimenyeshako kuva kw’igenekerezo rya 20 Gitugutu 2018 gushika kw’iginekerezorya 20 Munyonyo 2018 hazohimbazwa ukwezi kw’indwi kwahariwe ibiharuro vy’ubuzima bw’igihugu.

Mu kiganiro yahaye abamenyeshamakuru kuruno wa gatanu igenekerezo rya 19 Gitugutu 2018,umuyobozi w’ikigo ISTEEBU Nicolas NDAYISHIMIYE yamenyesheje ko uko kwezi kwahariwe ibiharuro vy’ubuzima bw’igihugu mu Burundi hisunzwe umusi mpuzamakungu wahariwe ibiharuro uba rimwe mu myaka itanu kuva mu 2010 hamwe nuwo ku rwego rwa Afrika uba buri mwaka muri Munyonyo kuva mu mwaka w’i 1993.

Nicolas NDAYISHIMIYE yavuze ko bimwe mu bikorwa bitegekanijwe ari gutunganya ikiganiro gica kw’iradiyo kija nye n’umugambi wa kabiri w’igihugu wo guteza imbere ibiharuro,gutunganya inganda zitandukanye mu gihugu zo gushira ahabona ibiharuro vyavuye mu matohoz y’ikigo ISTEEBU hamwe no gutunganya umusi wahariwe ishure ryo kwigisha umwuga wo gutororokanya ibiharuro muri kaminuza y’Uburundi k’uruhara n’akamaro bifitiye umugambi w’igihugu w’iterambere wo gushika mu mwaka wa 2018.

Ukwezi kw’indwi kwahariwe ibiharuro vy’ubuzima bw’igihugu mu Burundi kuzohimbazwa kw’igenekerezo rya 20 Munyonyo umwaka wa 2018 ku civugo kivuga giti:“Ibiharuro vy’ubuzima bw’igihugu bisukuye kandi vy’akanovera bishikira ishirwa mu ngiro ry’umugambi w’igihugu w’iterambere w’umwaka wa 2018 ushira umwaka wa 2027 hamwe n’iyindi migambi iwukomokako.”


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha