Kaminuza y’Uburundi izokwibuka imyaka 23 iheze abanyeshure bagandaguwe

Yanditswe na MUGISHA Van Naris
Kuya 6 juin 2018 saa 12:45
12480
0 0

Ubuyobozi bwa kaminuza y’Uburundi, bumenyesha ko kuwa mbere igenekerezo rya 11 Ruheshi 2018, hazokwibukwa imyaka 23 iheze habaye ubwicanyi mu bigo vya Kaminuza ku Mutanga, hakurikira i Zege mu ntara ya Gitega n’i Kiriri.

Nk’uko biri mw’itangazo ryateweko umukono n’icegera c’umuyobozi wa kaminuza y’Uburundi, Rosalie BIKORINDAGARA, ico gikorwa kizoba mu ntumbero yo kwibuka abanyeshure bo muri kaminuza y’Uburundi, bishwe mw’ijoro ryo kuwa 11 rishira uwa 12 Ruheshi 1993.

Muri iryo tangazo, icegera c’umuyobozi wa kaminuza y’Uburundi, amenyesha ko ivyo birori bizotangurwa n’inkuka y’imisa izoba isaha umunani n’igice mu nyubakwa za kaminuza y’Uburundi ziri ku Mutanga, biherezwe no gushira ingori z’amashurwe mu kibanza citiriwe ubumwe, mu bigo vyo ku Mutanga.

Umurundi azwi kw’izina rya NKURUNZIZA Clément yahora aba mu gihugu ca Reta zunze ubumwe za Amerika, akaba ari mu minwe y’ubutungane, yagirizwa ko yoba yaragize uruhara muri ubwo bwicanyi bw’abanyeshuri muri kaminuza y’Uburundi mu mwaka wa 1995.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha