Kayanza : Amasoko y’ibitungwa yo muri komine Muhanga na Rango yugawe

Yanditswe na MUGISHA Van Naris
Kuya 13 mars 2018 saa 01:39
10860
0 0

Buramatari w’intara ya Kayanza yafashe ingingo yo kwugara amasoko abiri yo muri iyo ntara yahora adandarizwamwo ibitungwa bito bito. Mw’itegeko yateyeko umukono, buramatari Anicet NDAYIZEYE amenyesha ko ari mu ntumbero yo gukinga indwara y’akaranda yafashe impene.

Nkuko biri mw’itegeko rya buramatari w’intara ya Kayanza, ryashizweko umukono kur’uyu wa kabiri igenekerezo rya 13 Ntwarante 2018,amasoko yahagaritswe, ni isoko yo muri komine Muhanga n’isoko yo muri komine Rango, mu ntara ya Kayanza.

Muri iryo tegeko, buramatari w’intara ya Kayanza Anicet NDAYIZEYE amenyesha ko ata gitungwa gito cemerewe kwiyerereza, ko kubigaburirira mu mpongore ari itegeko, kandi ko ata gitungwa kizova muri komine Muhanga na Rango kija mu yandi makomine.

Buramatari w’intara ya Kayanza amenyesha kandi ko amabagiro yo ku mitumba yo mu makomine ya Muhanga na Rango yugawe, kandi ko kizira gufungura inyama z’ibitungwa vyiketswe ko birwaye indwara y’akaranda, ahubwo ari uguca bihambwa.

Buramatari Anicet NDAYIZEYE agsaba abajejwe intwaro mu makomine n’umuyobozi w’uburimyi n’ubworozi mu ntara ya Kayanza, gufasha mw’ihirwa mu ngiro ry’izo ngingo.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha