Miss 2017 : MUCO Ariane azofasha kurwanya imbanyi ku bakobwa b’abigeme mu mashure

Yanditswe na Vianney BIKORIMANA
Kuya 19 juillet 2017 saa 10:50
Yasomwe : 6111
0 0

Muco Ariane w’imyaka 22 aserukira intaro ya Mwaro, akaba ahejeje amashure yisumbuye mu gisata c’indome za none. Avuga ko yagiye mw’ihiganwa rya MISS BURUNDI kuko ari ihiganwa yakunze kuva ari muto, ryatumye rimwereka ko ishusho ry’umwigeme atowe aba afise ico yiharije gusumba abandi bigeme na cane cane mu bwiza ,intambuko, n’ivyiyumviro birashe.

Muco Ariane amenyesha ko mu migambi azoshira mu ngiro niyatahukana ikibanza muri iri higanwa rya MISS BURUNDI 2017, azogerageza kugwanya imbanyi zitipfujwe ku bigeme bari ku mashure babandanya guhagarika amashure kubera ico kibazo c’ugutwara imbanyi batipfuza. Muco Ariane avuga kandi ko azotegura imigambi y’ukwigisha urwaruka kugira rumenye uko rwokwitwara mu buzima.

Mu gutora MUCO Ariane wandika Miss Mwaro, ukarungika ku nomero 192 ku bakoresha umuhora wa Smart.

Igice ca nyuma c’ihiganwa rya Miss Burundi 2017 ni kuri uwu wa gatandatu igenekerezo rya 22 Mukakaro 2017 kuri ARENA, isaha cumi na zibiri z’umugoroba.

Kwinjira ni amafaranga ibihumbi mirongo itanu vy’amarundi.

JPEG - 219.2 ko
Muco Ariane w’imyaka 22 aserukira intaro ya Mwaro

Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha