Miss Ange Bernice Ingabire ari mw’ihiganwa muri Afrika y’epfo asaba amajwi

Yanditswe na Cherif Nkeshimana
Kuya 25 Myandagaro 2017 saa 12:12
Yasomwe : 11250
0 0

Ange Bernice Ingabire ageze mu gihugu ca Africa y’epfo aho yitavye ihiganwa ry’aba Miss batowe muri Africa mu mwaka w’i 2016. Atera akamo Abarundi bose iyo bava bakagera n’abakunzi b’Uburundi kumuha amajwi. Muri iryo higanwa, ijwi rigugwa ama dollars.

Amakuru dukura ku kinyamakuru vantle.net, yerekana ko hariko hahiganwa aba Miss mirongo ibiri na babiri (22) bava mu bihugu bitandukanye vyo muri Afrika. Mu karere ka Africa y’Ubuseruko, hitavye Uburundi na Uganda gusa. Iryo higanwa rya Miss Africa rifise icivugo gikurikira : "Kwishimira Afrika, umugambi wo gusubiza icizere mu kugwanya ubukene n’ivyiyumviro vyo gukumirana bifatiye ku rukoba mu bumwe bwa Afrika".

JPEG - 98.1 ko
Miss Ange Bernice Ingabire

Muri iryo higanwa, Uburundi bwaserukiwe na Miss Ingabire Ange Bernice yatowe mu mwaka w’i 2016. Ange Bernice asaba uwo wese akunda Uburundi n’Abarundi kumuhunda amajwi. Aratera akamo urwaruka gushigikirana, mu gihe urwaruka rw’Uburundi ruba ruriko ruhiganwa mu makungu.

Uwipfuza gutora yandika http://vantle.net/pageants/61, aca abona urutonde rw’aba Miss bariko barahiganwa. Naho biri uko, gutora bisaba amafaranga atangwa n’uwutoye. Ijwi rimwe rigurwa ama Dorari 0,25 (0,25$), amajwi ane nayo agurwa idorare rimwe, amajwi 45 agurwa amadorare 10, nayo amajwi 2,775 akagurwa amadorare amajana atanu (500$).

Ihiganwa rya "Miss Africa Continent" ririko ribera mu gisagara ca Johanesburg muri Afrika y’epfo, rikaba risigaje iminsi umunani kugira rihere. Aho rigeze, aba Miss batanu bari imbere mu majwi baramaze kuboneka. Abo nabo ni Miss Liberia, Miss Siera Leone, Miss Zambia, Miss Guinee Conakry, hamwe na Miss Sud Africa.


Kumenyekanisha

1
Alice mushengezi 27-08-2017 à 10:11
2
nephtalie 26-08-2017 à 10:11

Bene data dusangiye urugendo rwo kuja mw’ijuru jewe ico mbona tugeze mubihe bigoye yesu yavuze jewe mwenayo mahiganwa mbonako bijanye n’ubwibone mwibuke haribintu 6 mbere ni 7 bisesema uhoraho aho harimwo ubwibone.Usoma niyiyubare kandi n’uwumva yumve ico mpwemu abwira amashengero.

3
sylvere 25-08-2017 à 14:49

Hari abantu bensgi bipfuza kumushigikira ariko birabagora. nibaza ko yari akwiye gushiraho abamufasha gushira amarundi muma dollar kubera hari abatazi burya bwo kuriha electroniquement muburundi ntiburwiriye cane.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha