Musenyeri Gervais BANSHIMIYUBUSA:“Umurongozi mwiza nuwemera kuba umusuku w’abandi.”

Yanditswe na IGIHE
Kuya 13 October 2018 saa 02:56
45930
0 0

Musenyeri Gervais BANSHIMIYUBUSA amenyeshako umurongozi mwiza ari uwemera kuba umusuku w’abandi kuko ntawushobora kubera umurongozi abandi atemeye kubakorera canke kubaruhira.

Ivyo yabishikirije mu misa kuruyu wa gatandatu igenekerezo rya 13 Gitugutu umwaka wa 2018 aho hibukwa imyaka 57 iheze umuganwa Rudoviko RWAGASORE agandaguwe.

Musenyeri Gervais BANSHIMIYUBUSA yavuze kuruno musi hibukwa umuganwa Rudoviko RWAGASORE atari umusi w’akaruhuko ariko ube umusi ugira ico wigishije abantu mu buzima bwabo no mu buzima bw’igihugu.

Uyo musenyeri yavuze ko naho umuntu yopfa akiri muto azokwibera mu mahoro kuko ico Imana iba yamuhaye aba yakiranguye mu guhesha icubahiro Imana kugira agire ico yimariye no kukimarira abandi arico gituma abantu bose bahamagariwe kuba intungane kanatsinda niyo nzira incungu yo kwikukira yafashe.

Musenyeri Gervais BANSHIMIYUBUSA yavuze ati: “Igikuru nuko ico yagwaniye catevye kikaboneka kandi umuntu w’intungane akwiye kuba intungane no muri poritike.”

Uyo musenyeri yavuze kandi ko uwushaka kuba umukuru ategerezwa kuraba imbere mu ntumbero yo gutegura kazoza kabo aba ashinzwe Atari kuguma yiboheye kuri kahise.
Musenyeri Gervais BANSHIMIYUBUSA yavuze ati:“Kahise kadufasha kubona kubu nako kukadufasha gutegura kazoza.”

Ivyo birori vyabandanirije ku musozi wa Vugizo aho umuganwa Rudoviko RWAGASORE yashinguwe aho inyuma yo gushikiriza ubuzima bwaranze umuganwa Rudoviko RWAGASORE haciye hashirwa ingori z’amashurwe ku ntatemwa yiwe ,abitavye urwo rubanza baca bumviriza ijambo uyo muganwa yashikirije igiye yatsinda amatora.

Ibirori vyitabwe n’umukuru w’igihugu Pierre NKURUNIZA.icegera ca mbere c’umukuru w’igihugu Gaston SINDIMWO,icegera ca kabiri c’umukuru w’inama nshingamateka Jocky Chantal NKURUNZIZA,abashingamateka n’abakenguzameteka batandukanye,intwazangabo mu gisirikare no mu giporisi,abo mu muryango wa Rudoviko RWAGASORE hamwe n’abaserukira ibihugu vyabo mu gihugu.


Kumenyekanisha

1
Manweri Nyabenda 16-10-2018 à 21:05

Andika hano Mbaga Sikobizohora Ko Ubona Ivyabandi Wabajije Umutima Ivyawe.

2
Abraham sikobizohora 13-10-2018 à 15:15

Vyukuri ico nyakubahwa gervais banshimiyubusa yavuze nivyo ariko uwapfiriye muvyaha ntamahoro azoronka.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha