Ngozi : Ba buramatari b’intara 10 baterereye amatora ya 2020

Yanditswe na MUGISHA Van Naris
Kuya 27 décembre 2017 saa 09:49
21555
0 0

Ba Buramatari b’intara cumi zigize Uburundi, baraterereye amatora yo mu mwaka wa 20202 kur’uyu wa kabiri igenekerezo rya 26 Kigarama 2017. Buramatari w’intara ya Bubanza yavuze kw’izina ryabo, yamenyesheje ko babikoze mu ntumbero yo kwitaba akamo k’umukuru w’igihugu ko guterera amatora.

Abaterereye ni buramatari w’intara ya Bubanza, Cibitoke, Gitega, Cankuzo, bururi, Bujumbura Rural, Rumonge, Mwaro, Cankuzo na Makamba.

Abo baburamatari batanze baterereye imiriyoni zitanu z’amafaranga y’amarundi babicishije mw’ibanki Nkuru y’Igihugu, igisata gikorera mu ntara ya Ngozi.

Buramatari w’intara ya Bubanza Tharcisse NIYONGABO yavuze mw’izina ryabo baburamatari, yavuze ko, vyabonetse ko iyo amakungu aterereye amatora, aba afise ivyinyegeje imyuma.

Buramatari Tharcisse NIYONGABO yasavye abataraterera amatora ya 2020 kubikora, aca yemeza ko na ba buramatari umunani basigaye nabo nyene bagiye kubikora mu minsi ya vuba.

Igikorwa co guterera amatora yo muri 2020 catangujwe n’umuryango w’umukuru w’igihugu umukuru w’igihugu Petero NKURUNZIZA aheruka gutanga intererano y’imiriyoni zitanu z’amafaranga y’amarundi, akaba kandimw’ijambo yashikirije umunsi Uburundi bwahimbaza imyaka 55 iheze bwikukiye, yabwiye Abarundi ko mu gushigikira amatora yo mu mwaka wa 2020, abarundi bararikiwe gutanga intererano zabo kuri konte inomero 1110/267 yuguruwe mw’ibanki nkuru y’igihugu.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha