Incamake

OMS-AFRIQUE : Abahitanwa n’umugera wa Sida baragabanutse gushika mu mpera za 2016

Yanditswe na Vianney BIKORIMANA
Kuya 1er décembre 2017 saa 01:19
4335
0 0

Umuyobozi arongoye ku rwego rwa Afirika ishirahamwe mpuzamakungu rijejwe amagara y’abantu OMS amenyesha ko abantu bapfa bahitanywe n’ingwara ya Sida ku rwego rwa Afirika bagabanutse kuva kuva ku muriyoni 1,5 mu mwaka wa 2005 baja kubihumbi 720 gushika mu mwaka wa 2016 bitumwe n’itangwa ry’imiti ipfupfahaza ico kiza hamwe n’uburyo bwo kwikingira bwagiye buratangwa.

Dr Matshidiso Moeti yabishikirije mu gihe uno munsi kw’igenekerezo rya 1 Kigarama isi yama ihimbaza umunsi mukuru mpuzamakungu wahariwe kugwanya umugera wa Sida.

Dr Matshidio Moeti yavuze ko bafise umwizero ko gushika mu mwaka wa 2030 bazosezerera ico kiza ku rwego rwa Afirika.

Uyo aserukira OMS mu karere ka Afirika mu butumwa yashize ahabona ku bijanye n’uno munsi wahariwe kurwanya Sida yavuze ko buri kiremwa gifise uburenganzira ku magara ata kuraba imyaka,igitsina canke aho umuntu avuka.

Ubwo butumwa bubandanya buvuga ko igice kirenga c’abarwayi ba Sida ku rwego rwa Afirika, baronkejwe imiti ipfupfahaza Sida bituma bikingira ubuzima bw’abantu bashika imiriyoni 14 gushika mu mpera za 2016.

Dr Matshidio Moeti ahamagarira Reta zose gushira imbere amagara hamwe n’uburenganzira bw’abarwayi ba Sida kugira bitabweho bizotume hashika aho haboneka urunganwe ruzoba rutarangwamwo Sida.

Mwomenya ko uyo munsi wahariwe kurwanya umugera wa Sida kw’isi ku rwego rw’igihugu c’Uburundi wahimbarijwe mu ntara ya Kirundo.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha