PSR: kubagendera mu gisagara ca Bujumbura bibujijwe kurenza ibirometero 40km/h

Yanditswe na Pacifique BUKURU
Kuya 29 December 2017 saa 02:59
17295
1 0

Mu gisata c’igiporisi kijejwe gutunganya uruja n’uruza mu mabarababara, bamenyesha ko bivuye ku masanganya menshi amaze imisi y’ibonekeza, ingingo zimwe zimwe zafashwe nko gutegeka abagendesha ama moto kwama bambaye inkofero yogukingira imitwe yabatwara moto (casque ), gukura imodoka zishaje mu mabarabara, guhana abagendera ku mivuduko minini hamwe n’abatwara imiduga baborewe hamwe no kwihaniza abarenza igitigiri c’abantu mu miduga bagatako bakanasaba amafaranga y’umurengera.

Mu kiganiro OPC1 Roger Bankibigwira yaremesheje ku bamenyesha makuru kuruyu wa gatanu igenerezo rya 29 Kigarama, avuga ko amasanganya yabaye umurengera biturutse ku kutitwararika amategeko n’ibisabwa kugira ngo uruja n’uruza mu mabarabara rugende neza.Arongera akamenyesha ko ibikenewe kugira umutekano w’amabarabara umere neza bihari. Avuga ati «Twarakoze ibishoboka vyose kugira umutekano mu mabarabara ntuze urahungabana. Nko kubanyonga imiduga banyoye inzoga z’umurengera, ivyuma vyo kubapima (alcootest), birahari. Nayo kubatwara imiduga banyaruka, twobamenyesha ko kubagendera mu gisagara ca Bujumbura bibujijwe kurenza ibirometero 40km/h, abo mu gihugu hagati nabo ni 70Km/h»

OPC1 Roger Bankibigwira asaba abajejwe intwaro n’abanyagihugu kumenyesha igiporisi aho hose hari ikibazo, akanibutsa ko umurongo wo guhamagarako kuri nimero 118 yuguruye kugira ifashe abenegihugu.

Tubibutse ko ishirahamwe rikurikiranira hafi ibijanye n’umutekano wo mw’ibarabara (Observatoire pour la Sécurité Routière), rimenyesha ko abantu barenga 20 bitavye Imana bahitanywe n’amasanganya kuva kw’igenekerezo rya 20 Kigarama 2017.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha