Reta isabwa gufasha kugira ikarata karangamuntu itangwe ku buntu

Yanditswe na MUGISHA Van Naris
Kuya 7 février 2018 saa 01:23
Yasomwe : 8469
0 0

Umugambwe Sahwanya Frodebu Nyakuri Iragi rya Ndadaye uhamagarira abanywanyi bawo bose hamwe n’abaragwa b’incungu ya Demokrasi kwitaba igikorwa co kwiyandikisha kugira bazokwitabe amatora yo kwemeza canke guhakana ibwirizwa nshingiro, hamwe n’amatora yo mu mwaka wa 2020. Kefa NIBIZI arongoye uwo mugambwe agasaba abadafise ikarata karangamuntu kuzirondera bidatevye.

Mw’itangazo ry’umugambwe Sahwanya Frodebu Nyakuri ryo kuwa kabiri igenekerezo rya 6 Ruhuhuma 2018, uwo mugambwe usaba abajejwe intwaro ku rwego rw’amakomine kworosha igikorwa co gutanga karangamuntu, biciye mu gutangisha amafaranga azwi n’amategeko.

Muri iryo tangazo, umugambwe Sahwanya Frodebu Nyakuri Iragi rya Ndadaye usaba Reta gufasha kugira ikarata karangamuntu itangwe ku buntu, gutyo abazokwitaba amatora yo kwemeza canke guhakana ibwirizwa nshimgiro bazobe benshi.

Umugambwe Sahwanya Frodebu Nyakuri Iragi rya Ndadaye, umenyesha ko wamaze kubona ko igice kinini c’abafise imyaka iri hagati ya 16 na 18, na cane cane abanyeshuri ata karangamuntu bafise, ugasaba ababijejwe gufata ingingo zose zishoboka kugira uwo muce w’abanyagihugu ntuzoreke kwiyandikisha.

Muri iryo tangazo, umugambwe Sahwanya Frodebu Nyakuri Iragi rya Ndadaye usaba abanyagihugu babuzwa n’ababarongoye kwitaba amatora na cane cane abiyitirira ko bakurikiza Iragi rya Ndadaye kwibuka ko amatora ari kimwe mu nkingi z’intwaro rusangi, afasha kandi gushikiriza ivyiyumviro k’ubuzima bw’igihugu.

JPEG - 31.4 ko
Kefa NIBIZI,Umukuru w’umugambwe Sahwanya FRODEBU Iragi rya Ndadaye

Umugambwe Sahwanya Frodebu Nyakuri Iragi rya Ndadaye urangiza uvunira akagohe abanyaporitike bagikekeranya, ko ibwirizwa nshingiro ryahinyanyuwe rishingiye ku ntwaro rusangi igezweho, iyo abanyaporitike bose bakwiye kumenyera.

Uwo mugambwe uhamagarira abanyeporitike bahunze kugaruka mu gihugu, kugira bafashanye n’abandi kucubaka.


Kumenyekanisha

1
Mukambatis 8-02-2018 à 20:03

Kuki Ubushikiranganji Bwindero Butaduha Umusi Wokuja Kurondera Karata Karangamuntu ?Twabuz Ukuntu Tuzironka Kandi Igikorwa Ciyandikwa Catanguye.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha