Rumonge : Umwigisha yagirizwa ugushaka gushurashuza umwana yigisha

Yanditswe na Vianney BIKORIMANA
Kuya 13 Ruheshi 2017 saa 10:13
Yasomwe : 13311
1 0

Leopold Mugabaranoga, umwigisha wo kw’ishure ryisumbuye rya ITEBA mu Rumonge yagirizwa gushaka gushurashuza ku nguvu umwigeme wo mu mwaka w’umunani. Uwo mwigisha apfungiwe mu gasho k’igiporisi muri iyo ntara ya Rumonge.

Uwo mwigisha yagirizwa ugushaka gushurashuza umwana w’umwigeme asanzwe yigisha, yafashwe n’igiporisi kuri uwu w’Imana igenekerezo rya 11 Ruheshi 2017 mu nyubakwa iri hafi ya paruwasi ya Rumonge aho yariko aganira n’uwo mwigeme mu mwanya muto bamaranye, basohotse imisa, nk’uko bivugwa n’uwagirizwa ico caha.

Ubuyobozi bw’ishure uwo mwigisha asanzwe arangurirako imirimo busaba ko yohanwa bimwe vy’akarorero hisunzwe amategeko, kuko yafatanywe itonga, muri iyo nyubakwa iri hafi ya Paruwasi Rumonge.

Umwigisha Leopold Mugabaranoga yagirizwa ico caha arahakana ivyo birego vyose, akamenyesha ko umuyobozi w’ishure yigishako ariwe ari inyuma y’ivyo yita "irementanya", akamwagiriza kandi ko ariwe yatunganije ivyo vyose kuko basanzwe batumvikana ku kazi. Umwigisha Leopold Mugabaranoga asaba ko uwo muyobozi wiwe yorengutswa nawe mu butungane.

Umuyobozi w’ishure ryisumbuye rya ITEBA mu ntara ya Rumonge yabwiye ikinyamakuru IGIHE ataco bapfa n’uwo mwigisha mu kazi, agasaba ubutungane ko bwokora kuri ico caha c’ugushaka gushurashuza umunyeshure wo kw’ishure arongoye.

Leopold Mugabaranoga arumvirizwa n’ubutungane ku muhingamo wo kuri uwu wa kabiri.


Kumenyekanisha

1
AKARENGANYO 14-06-2017 à 14:52

Ndiko ndumva muvuga ngo bareke ubutungane bukore ndatangara pe! Ubutungane mwebwe mububona he mu Burundi?

Ikosa riri hehe iyo mwarimu aganirije uwo yigisha? Vyoteye ingorane iyo bavuga ko babasanze bambaye ubusa sinon j’y vois de la connerie d’injustice (je veux dire IREMENTANYA)!

2
Pacif 14-06-2017 à 10:28

none Birabujijwe Ko Umwigisha Aganir Numunyeshur? Iyo Basanga Baryamany Niho Bovyit Itong .Uwo Murez Ararengan

3
Felix Muhire 13-06-2017 à 23:49

Yafatanywe itonga? Vyaje gute? None uwo ayoboye iryo shure niwe yatumye uwo mwigeme ahinduka itonga? Uwo mwigisha n’areke ubutungane bukore. Kuko iyo ufatanywe itonga rizi kwivugira, vyogorana kugirango bakurenganye? Ntabwo ar’itonga ry’ibitoke yafatanywe canke ry’ ibiharage. N’itonga rivuga kandi ryumva, rizobidadanura.

4
Felix Muhire 13-06-2017 à 23:49

Yafatanywe itonga? Vyaje gute? None uwo ayoboye iryo shure niwe yatumye uwo mwigeme ahinduka itonga? Uwo mwigisha n’areke ubutungane bukore. Kuko iyo ufatanywe itonga rizi kwivugira, vyogorana kugirango bakurenganye? Ntabwo ar’itonga ry’ibitoke yafatanywe canke ry’ ibiharage. N’itonga rivuga kandi ryumva, rizobidadanura.

5
Adelin Nsabimana 13-06-2017 à 11:38

Nimba arivyo atari rementanya ubutungane nibukore

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha