Incamake

Ruyigi : Sendika SEPEDUC isaba ko abigisha 5 bapfunzwe barekurwa

Yanditswe na MUGISHA Van Naris
Kuya 7 décembre 2017 saa 05:06
7830
0 0

Abigisha batanu muri 10 bo kw’ishuri ryisumbuye rya komine Muhwazi, muri komine Nyabitsinda, intara ya Ruyigi baracapfunzwe bagirizwa gushigikira abanyeshuri igihe bariko basaba umuco ku mafaranga atangwa kw’ishuri, mu gihe abandi batanu bamaze kurekurwa. Muri sendika y’abigisha SEPEDUC bavuga ko ikibazo c’abo bigisha kitari gushika aho kija mu bajejwe umutekano, kuko cari kubanza guca mu nama y’abavyeyi.

Vyose vyatanguye kuwa mbere igenekerezo rya 4 Kigarama 2017 aho abanyeshuri bo kw’ishuri rikuru rya komine Muhwazi bagira yegereyegere bariko basaba umuco ku mafaranga 4500 vyasabwe n’umuyobozi avuga ko ari ayo guhemba abigisha b’abakutsakivi, bagasaba kandi ko urutonde rw’ingene ibibazo bikorwa ruhindurwa, kuko bari bahawe gukora ibibazo bitatu ku munsi.

Uwo munsi wa mbere nyene, abigisha 10 baciye bajanwa gupfungirwa muri komisariya y’igiporisi mu Ruyigi, mu gihe baserukira abandi banyeshuri mu mashuri baciye bapfungirwa mu gasho ka komine Nyabitsinda.

Kur’uyu wa gatatu igenekerezo rya 6 Kigarama 2017, batanu muri abo bigisha bari bahagaritswe bahavuye barekurwa, abandi bigisha batanu baguma bapfunzwe, naho nyene amakuru ava aho mu Ruyigi amenyesha ko batigeze babazwa.

Muri sendika y’abigisha SEPEDUC, Gerard NIYONGABO ayirongoye avuga ko yisunze ivyabaye aho kw’ishuri rya Komine rya Muhwazi, bishoboka ko ingingo yafashwe umuyobozi atagiye inama n’abigisha, canke ngo avugane n’abavyeyi.

JPEG - 153.1 ko
Gerard NIYONGABO, Arongoye sendika y’abigisha SEPEDUC

Gerard NIYONGABO arongoye Sendika y’abigisha SEPEDUC avuga ko gushika ubu batabona ingingo yisunzwe mu gupfunga abo bigisha bigisha kw’ishuri ryisumbuye rya Komine Muhwazi , nico bashatse gukinga.

Umukuru wa sendika SEPEDUC agasaba ko abo bigisha 5 basigaye bapfunzwe nabo barekurwa,bumvirizwe bidegemvya, kuko ata cotuma bahunga, gutyo bakore akazi kabo umutima uri mu nda.


Kumenyekanisha

1
Mesy 6-04-2018 à 14:11

NABAKUTSAKIVI BAPFUNZWE ?

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha