Incamake

Sendika SEPEDUC ifise amakenga ko intonde z’ivyigwa zishobora kudahera

Yanditswe na MUGISHA Van Naris
Kuya 1er mars 2018 saa 10:44
4545
0 0

Umukuru wa sendika y’abigisha SEPEDUC avuga ko intonde z’ivyigwa zishobora kudahera mu myaka ya kabiri y’inyuma y’ishuri nshingiro. Gerard SINDAYIGAYA avuga ko kubera ubukene bw’ibitabo, hari abigisha bazoba bariko bigisha intonde zo mu gice ca kabiri, kandi umwaka w’ishuri ugeze mu gice ca gatatu.

Gerard NDIKUMANA arongoye sendika SEPEDUC avuga ko hari amashuri amwe amwe afise ibitabo bikoreshwa mu gice ca kabiri bikwiye, hakaba n’ayandi ataronse ivyo bitabo.

Uwo aserukira sendika SEPEDUC imbere y’amategeko, amenyesha ko bibaza ko ikibazo kiri ahanini mu gikorwa co kurwiza ivyo bitabo, kugira baronke ibikwira amashure yose.

Umukuru wa Sendika SEPEDUC asigura ko, kugira ico kibazo gitore inyishu, ibitabo vyo mu mwaka wa kabiri n’uwa gatatu mu myaka y’inyuma y’ishure nshingiro vyosohokera rimwe.

Gerard NDIKUMANA arongoye Sendika SEPEDUC agasaba Reta ko yorondera abafasha mu gikorwa co kurwiza ibitabo, canke nayo ikikora ku buryo ifise.

Twagerageje kurondera umuvugizi w’ubushikiranganji bw’indero, inyigisho za kaminuza n’ubushakashatsi agire ico atubwiye kuri ico kibazo, terefone ngendanwa yiwe yahamagara ariko ntiyashoboye kutwitaba.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha