Sendika SEPEDUC yerekanye amakenga ku bukene bw’ibitabo mu mashure nshingiro

Yanditswe na MUGISHA Van Naris
Kuya 9 janvier 2018 saa 03:23
3405
0 0

Mu gihe amasaha yo kwiga yongerejwe ku banyeshuri biga mu mashuri yisumbuye,umukuru wa sendika SEPEDUC amenyesha ko umwimbu mu vyigwa ushobora kugabanuka ku bamenyeshuri.

Gerard NIYONGABO arongoye SEPEDUC avuga ko amasaha umunani abanyeshuri basabwa kwiga ku munsi ari menshi, bigatuma haba amasaha atatu ya nyuma biga biboneka ko barushe.

Umukuru wa Sendika SEPEDUC amenyesha ko hejuru yo kuba umwanya wo kwiga warongerejwe, n’intambayi y’ubukene bw’ibitabo idakwiye gufatwa minenerwe, kuko bishobora guhungabanya urutonde rw’ivyigwa.

Ati :« Ibitabo vyo mu gice ca kabiri c’ishuri nshingiro ntibiraboneka. Ku kirangaminsi c’ivyigwa dutegerezwa gucererwa, kuko naho vyoboneka vuba, bidusaba gutegura ivyigwa. »

Gerard NIYONGABO avuga ariko ko kuri izo ngorane zose, bafise icizere ko ubushikiranganji bw’indero, inyigisho za kaminuza n’ubushakashatsi buriko burakora kugira zitorerwe inyishu.

JPEG - 153.1 ko
Gerard NIYONGABO, arongoye sendika SEPEDUC

« Twizeye ko ubushikiranganji buriko burasubiramwo ingingo yo kwongereza amasaha y’ivyigwa, kandi ko bazi mu bushikiranganji bazi ko hari ubukene bw’ibitabo, twizeye ko buriko burakora. »

Mwomenya ko haheze indwi imwe gusa, igice ca kabiri c’amashuri gitanguye, ariko mu bice bimwe vy’igihugu, bikavugwa ko hari ivyigwa bitigishijwe kubera ubukene bw’ibitabo.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha