UPD-zigamibanga : "Sentare mpanavyaha mpuzamakungu ntaco yari imariye abarundi"

Yanditswe na MUGISHA Van Naris
Kuya 27 October 2017 saa 02:53
Yasomwe : 10395
0 0

Mu gihe kuri uno wa gatanu igenekerezo rya 27 Gitugutu 2017 Uburundi bwashize umukono ku rwandiko rwemeza ko buvuye mu masezerano ashiraho sentare mpanavyaha mpuzamakungu,umugambwe UPD-Zigamibanga usaba abacamanza bo mu Burundi kwereka amakungu ko bakora bigenga.

Mw’itangazo umugambwe UPD –Zigamibanga wasohoye kuri uno wa gatanu ,riterwako umukono na Abdoul Kassim awurongoye,umenyesha ko kuba Uburundi bwavuye muri sentare mpanavyaha mpuzamakungu bituma buja k’uruhande rumwe n’ibindi bihugu vyo ku mugabane wa Afrika na Buraya bitigeze bishira umukono kuri ayo masezerano.

Muri iryo tangazo,umugambwe UPD-zigamibanga urashima kuba Uburundi bwavuye muri ayo masezerano kubw’awo ataco yari amariye abarundi, ugasaba ko Reta itosubira gushira umukono ku masezerano atuma abanyagihugu bagira ku bihugu vyo hanze.

Umugambwe UPD-Zigamibanga usaba ubutungane bw’ Uburundi gukoresha inguvu zose mu guca imanza budahengamye , bwihutire kandi guca imanza z’abahagaritswe mu gihe c’imyiyerekano yabaye mu mwaka wa 2015.

Ku ruhande rwiwe,mu kiganiro nyahaye abamenyeshamakuru ,umushikiranganji w’ubutungane Aimee Laurentine KANYANA yavuze ko igihugu c’Uburundi cavuye mur’iyo sentare kuko basanze ari sentare y’agacinyizo bafatiye kuvyo yakora mu bindi bihugu na cane cane vyo ku mugabane wa Afrika.

Umushikiranganji Aimee Laurentine KANYANA yavuze kandi ko ivyo iyo sentare mpanavayaha mpuzamakungu yashatse gukora ku gihugu c’ Uburundi bitari ivy’ineza y’igihugu.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha