Ubushikiranganji bw’amashure bwasavye intonde z’abazokora ikibazo c’ukuja mu mashure y’akarorero

Yanditswe na Vianney BIKORIMANA
Kuya 8 août 2017 saa 09:28
Yasomwe : 3672
0 0

Abayobozi b’indero mu ntara basabwa gutanga urutonde rw’abanyeshure bazokora ikibazo co kwinjira mu mashure y’akarorero (Ecole d’Excellence).

Mu ntumbero yo gutegura ikibazo c’abanyeshure baja mu mwaka w’indwi mu mashure y’akarorero, ubushikiranganji bw’indero, amashure ya kaminuza hamwe n’ubushakashatsi busaba abayobozi b’indero mu ntara gutanga amazina y’abanyeshure babaye aba mbere n’aba kabiri mu mwaka wa 6.

Nk’uko biri mw’itangazo ryateweko umukono n’umunyamabanga ntayegayezwa w’ubushikiranganji bw’indero, Leopold HAVYARIMANA yasavye ko ayo mazina y’abanyeshure abwirizwa kuba yashitse mu bushikiranganji bw’indero bitarenze kuri uwu wa gatatu igenekerezo rya 9 Myandagaro 2017.

Muri iryo tangazo bamenyesha ko ahari abanyeshure banganije mu kibanza ca mbere canke mu kibanza ca kabiri mu manota yo mw’ishure, ko bose bategerezwa kuja kuri urwo rutonde.

Leopord HAVYARIMANA amenyesha ko izo ntonde zishobora gutangwa biciye mu mpapuro canke mu buhinga bwa none kuri : [email protected] canke [email protected]

Amashure atandatu y’akarorero yashizweho ni Lycée Musenyi y’i Ngozi, Lycée Kiremba y’i Bururi, Lycée Notre Dame de la Sagesse yo mu ntara ya Gitega, Lycée Rusengo yo mu ntara ya Ruyigi, Lycée Saint Marc yo mu Ngagara hamwe na Lycée Ngagara yo mu Ngagara nyene, mu gisagara ca Bujumbura.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha