Umugwi Diaspora Band uzofasha abanyeshuri guheza uburuhuko neza

Yanditswe na Vianney BIKORIMANA
Kuya 2 août 2017 saa 01:11
Yasomwe : 2061
0 0

Umurwi Diaspora Band waratunganije igiteramo kizoba kw’igenekerezo rya 30 Myandagaro 2017, mu ntumbero yo guherekeza abanyeshure bazoba bariko bararangiza uburuhuko, kugira babibutse ko bagiye gusubira ku mashuri.

Umukuru w’umurwi Diaspora Band mu kiganiro yagiranye n’ikinyamakuru IGIHE, Butoyi Namuto batazira Afande Romeo yamenyesheje ko ico giteramo batunganije kizofasha abanyeshure kugira umwete n’ishaka mu bikorwa vy’umwaka mushasha w’ishure bimirije gutangura.

Afande Romeo yavuze kandi ko, ico giteramo kizotuma abanyeshure bamenya ko uburuhuko bahoramwo burangiye, ko bagiye kwitwararika cane ibijanye n’iterambere ryabo ku mashure.

Afande Romeo yavuze ati : "Ikintu cose gifise intango n’iherezo, abanyeshure bakwiye kumenya ko uburuhuko bahoramwo buheze bagiye gusubira ku bikorwa vyabo vyo ku mashure".

Muri ico giteramo, Afande Romeo avuga ko bazoboneraho akaryo ko kwumvisha abakunzi babo ururirimbo NIPAONE ruri muzizoba zigize urukwirikirane rw’indirimbo bimirije gusohora.

Igiteramo ca Diaspora Band kizobera kuri Club Down Town iri mu Bwiza kw’ibarabara ryitiriwe Avenue de l’Universite kw’igenekerezo rya 30 Myandagaro 2017, kuva igihe c’isaha icumi kwinjira akaba ari ibihumbi 5.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha