Umurwi Best Friends of God ugiye gushira ahabona urukurikirane rw’indirimbo

Yanditswe na MUGISHA Van Naris
Kuya 21 Ruheshi 2017 saa 03:06
Yasomwe : 1476
0 0

Umurwi Best Friends of God ugizwe n’abahungu baririmba bakoresheje amajwi yabo gusa uhamagarira abantu bose batumiwe kuzokwitaba ibirori vyo gushira ahabona urukurikirane rushasha rw’indirimbo rwiswe ‘’Baho’’, bizobera ahakorera ishengero New Biginings Church riri muri quartier Asiatique, kuw’Imana igenekerezo rya 25 Ruheshi 2017.

Mu kiganiro yagiranye n’ikinyamakuru IGIHE, umukuru w’umurwi Best Friends of God, NIMUBONA Jackson batazira Fiston, amenyesha ko urukurikirane rw’indirimbo ‘’Baho’’ rugizwe n’indirimbo 11 rwatanguye gutunganywa mu mwaka wa 2014, rukorwa n’umuhinyanyuzi Bochoum-Pro.

NIMUBONA Jackson amenyesha ko umutwe w’urukurikirane ’’Baho’’ uhuriza hamwe indirimbo zose uko ari 11, kuko ubutumwa bagomba gutanga muri urwo rukurikirane, ari ukubwira abantu bose ko bihana kugira babeho, kuko ubuzima buri mu gakiza.

Ku bijanye no kumenya ahava uburyo bakoresheje mu gutunganya urukurikirane, NIMUBONA Jackson avuga ko hari ababahaye intererano mu buryo, kandi nabo hari amasabukuru bitavye yatumye baronka uburyo bubafasha.

Umurwi Best Friends of God ugizwe n’abahungu batandatu NIMUBONA Jackson, NDAYIZEYE Yvan, Pasteur NIYONGABO Stanley, GASIGE Arnauld, UHURU Ladi Daniel na NIKIZA Emilien.

Mwomenya ko kwinjira muri ico giteramo ari ku buntu, ariko bigasabwa ko uwugiye aba afise ubutumire.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha