Umurwi CENI urizeza ubushobozi bw’ishirahamwe rifasha kwandika abazokwitaba amatora

Yanditswe na MUGISHA Van Naris
Kuya 27 février 2018 saa 04:16
Yasomwe :
0 0

Mu gihe hari amakenga ashikirizwa na bamwe ku bijanye n’uko igikorwa co kwandika abazokwitaba amatora mu mashini nyabwonko kiriko gikorwa n’ishirahamwe ry’abarundi G&C Vision, umukuru w’umurwi wigenga utegura amatora CENI, Pierre Claver NDAYICARIYE asaba abarundi kutikengera no kwemera ko bashoboye.

Mu kiganiro yahaye abamenyeshamakuru kur’uyu wa mbere igenekerezo rya 26 Ruhuhuma 2018, Pierre Claver NDAYICARIYE arongoye umurwi CENI, yavuze ko Uburundi nabwo bufise abashoboye ibikorwa vy’ubuhinga, yisunze ko mu mwaka wa 2010 n’uwa 2015, abakoreshejwe n’ishirahamwe mpuzamakungu rijejwe iterambere PNUD mu gikorwa co kwandika abazokwitaba amatora bari abarundi, gushika ku rugero rwa 95 kw’ijana.

Pierre Claver NDAYICARIYE arongoye umurwi w’igihugu wigenga utegura amatora, avuga ko ubuhinga bwose buriko burakoreshwa mu kwandika abazokwitaba amatora mu mashini nyabwonko,bwatunganijwe n’abarundi, ari naco gituma Uburundi bwoshima ko bufise abahinga bashoboye.

Igikorwa co kwandika abazokwitaba amatora mu mashini nyabwonko gitegekanijwe ko kizokorwa mu minsi 20. Gushika ku mutaga wo kur’uyu wa mbere, abazokwitaba amatora mu ntara ya Bubanza akaba aribo bari bamaze kwandikwa mu mashini nyabwonko.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha