Umurwi CENI wamenyesheje abashobora gutorera aho batiyandikishirije

Yanditswe na MUGISHA Van Naris
Kuya 14 mai 2018 saa 10:09
20070
0 0

Umurwi utegura amatora CENI umenyesha ko hari abantu barekuriwe gutorera aho batiyandikishirije, kubera imvo z’akazi canke guhindurirwa ibibanza bakoreramwo.

Umurwi CENI uvuga ko abo bantu ari, abakozi b’umurwi CENI,CEPI na CECI, ababacungerera umutekano, hamwe n’abakora mu biro vy’itora.

Abandi umurwi CENI uvuga ko bashobora gutorera aho batiyandikishirije, ni abajejwe umutekano w’amatora,hamwe n’abacungera umutekano w’abategetsi hamwe n’abagendesha imodoka zabo.

Nk’uko umurwi CENI ubimenyesha, abandi ni abakozi ba Reta bahinduye aho bakorera, abarundi biyandikishirije hanze ariko batashe mu gihugu, hamwe n’abarundi bagiye hanze bamaze kwiyandikisha, muri abo harimwo abasirikare bagiye kugarukana amahoro.

Abandi ni abanyeshure biyandikishije mu gihe bari mu bikorwa vyo kwimenyereza ariko ubu bakaba barasubiye ahari amashuri yabo, ariko habanje gusuzumwa ibibaranga n’ikarata y’itora.

Umurwi CENI, umenyesha ariko ko ata kibanza na kimwe kirekuriwe kwakira abantu barenga 50 bagitoreramwo atariho biyandikishirije.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha