Willy NYAMITWE : "Ibiganiro vyo hanze vyunganira ibiganiro vyo hagati mu gihugu’’

Yanditswe na
Kuya 18 Rusama 2017 saa 05:12
Yasomwe : 15579
0 0

Umuhanuzi mukuru ajejwe kumenyesha amakuru mu biro vy’umukuru w’igihugu Ambassadeur Willy NYAMITWE amenyesha ko ibiganiro bibera i Arusha mu gihugu ca Tanzaniya bihagarariwe n’umufasha w’umuhuza Benjamin Mkapa biza kwunganira ibiganiro bibera mu Burundi kandi bihuza abarundi bose.

Mu kiganiro "Akabirya’’ caciye ku nsamirizi Rema FM umuhanuzi mukuru ajejwe kumenyesha amakuru mu biro vy’umukuru w’igihugu yavuze ko ibiganiro bihuza abarundi bibera hanze atari ibiganiro vy’amagaburanyama, ariko ko ari ibiganiro bivugirwamwo ibibazo vy’ubukene, gutsimutsimbataza intwaro rusangi, hamwe no gutsimbataza amahoro n’umutekano.

Willy NYAMITWE avuga ko ibiganiro bihuza abarundi ari ibiganiro vyo guhanahana ivyiyumviro ku bijanye no gutorera umuti ingorane zamye zihanze igihugu c’Uburundi.

Kubwa Willy NYAMITWE umuhanuzi mukuru ajejwe kumenyesha mu biro vy’umukuru w’igihugu, nta wanka ibiganiro, ariko akavuga ko abagize ubwicanyi kandi bakurikiranwa n’ubutungane badashobora kwitaba ivyo biganiro.

Willy NYAMITWE amenyesha ko i Arusha ahabera ibiganiro bihuza abarundi bibera hanze y’igihugu hatazova ivyiyumviro vya politike gusa, ariko hazovugirwa n’ibindi vyiyumviro vyofasha Uburundi.


Kumenyekanisha

1
Wakera 21-05-2017 à 06:06

Mbe ivyo biganiro vyohagati mugihugu iyi mbonerakure ivuga nibimwe vyahuza interahamwe, FDLR hamwe n’imbonerakure bigira hamwe ukwo bazomara abantu! Mbe bwo butungane avuga nubwahe ko nubuzobakubita intahe mugahanga babwikuyemwo! Baribesha intahe izobokera!

2
###### 19-05-2017 à 08:23

Hhh

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha