Yves KAMIKIWE agiye gushira ahabona urukurikirane rushasha rw’indirimbo yise UMWANYA

Yanditswe na
Kuya 15 Rusama 2017 saa 12:26
Yasomwe : 4770
0 0

Umuririmvyi Yves KAMIKIWE azwi cane kw’izina rya Samandari kubera indirimbo yitwa Samandari yaririmvye, amenyesha ko umuziki ushingiye ku mico n’umudiho w’ikirundi ari itunga rikomeye ku gihugu, ari naco gituma urukurikirane rushasha agiye gushira ahabona ruzoba rugizwe n’indirimbo zivugijwe mu mudiho w’ikirundi.

Mu kiganiro yagiranye n’ikinyamakuru igihe.bi kuri uno wa mbere igenekerezo rya 15 Rusama,umwaka wa 2017,Yves KAMIKIWE amenyesha ko urukurikirane rw’indirimbo rushasha yise UMWANYA rugizwe n’indirimbo 8, azorushira ahabona hagati mu kwezi kw’indwi,rukazoba kandi rufise ishusho nshasha kuko yisunze umudiho w’ikirundi mu kuziririmba.

umuririmvyi KAMIKIWE Yves batazira Samandari amenyesha ko kuva atangura kuririmba nk’umunyamuziki yabigize umwuga mu mwaka wa 2007,amaze gukora ibikorwa bitari bike kuko amaze gusohora urukurikirane rw’indirimbo rwitwa Samandari , rwavuyemwo n’izina bamutazira.

Umuririmvyi KAMIKIWE Yves avuga ko umuziki w’i Burundi ari ngirakamaro kandi ari itunga kuko ufasha mu bisata bitandukanye, kandi n’amashirahamwe amwe amwe awukoresha mu guhimiriza abantu uko bokwifata mu bihe bitandukanye.

KAMIKIWE Yves asaba abafise uburyo gushira umutahe mu gushigikira abaririmvyi na cane cane abaririmba bisunze umuco n’umudiho w’ikirundi, kuko ari itunga rikomeye bashobora gukoresha kugira babandanye gutera imbere, umuririmvyi nawe ashobore kubeshwaho n’umuziki.

Ku ruhande rwa Reta, umuririmvyi KAMIKIWE Yves asaba ko Reta yokurikirana ikigo kijejwe gukingira ibikorwa vy’abaririmvyi OBDA ikaraba ko kiriko gikora ico gitegerezwa, kuko vyotuma abanyamitahe badatinya gushira uburyo mu mwuga wo kuririmba.


Kumenyekanisha

1
CANKUZO LAMBATH 17-06-2017 à 09:36

dukeneye Abaririmvyi Bacu Batere Imbere Gusumba Aho Bari Bageze Naje Nabuze Umfasha Indirimbo Yomfise Iryoshe Y.Urukundo

2
Cankuzo Lambath 17-06-2017 à 09:19

ABAHANZI MWESE KOMERA KUKAZI KANYU NATWE TURIKO TURAZA

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha