Abari bamaze iminsi ku bushikiranganji bwo gufatana mu nda bunguririje ku muhuza Rukara

Abanyagihugu bari bamaze iminsi bagandagaje imbere y’ahakorera ubushikiranganji bwo gufatana munda, bungururije ku biro vy’umuhuza w’abarundi.

Abo banyagihugu bakizera ko umuhuza w’abarundi Mohamed Rukara we, azobatunganiriza. Bavuga ko batageza kuzosubira inyuma ikibazo cabo kidatorewe inyishu. Abo banyagihugu barwiriyemwo abagore n’abana, bakaba bavuga ko bavuye ahakorera umushikiranganji w’ugufatana munda, kuko bari bumvise ko Clotilde Nizigama yagira abarungikire abaporisi.

Abo banyagihugu bakavuga ko bagiye kuguma ahakkorera umuhuza mpaka ico kibazo cabo gitorewe inyishu. Basaba amatongo n’amabati. Abo banyagihugu bava muri komine ya Rumonge bakaba bari baje kuri uyu wa gatatu w’iyi ndwi iriko irarangira. Mu bushikiranganji bw’ugufatana mu nda bakavuga ko umurwi uriko wiga ico kibazo wamaze gushirwaho, hakaba harindiriwe ko icegeranyo gishirwa ahabona batunganirizwe.