Gitega:Abanyagihugu barinuba abapolisi bari ku musozi Ciru

Abanyagihugu bo kumusozi Ciru muri komine n’intara ya Gitega basaba ko abapolisi bari kukirindiro kuri uyo musozi bohindurwa. Abo banyagihugu bagiriza abapolisi bajejewe gucungera umutekano aho kuri uyo musozi ko bawuhangabanya bakongera bagasinzikariza ubuzima abanyagihugu,

Abo banyagihugu batanga akarorero k’umupfasoni yitwa cécile Mbikemunda afise abana batandatu yakubiswe n’abo b’apolisi mbere ngo bakaba barakoresheje imbugita ,uyo mukenyezi akaba ari kwivuza .

Inkuru dukura mubaharanira agateka ka zina muntu i Gitega zikemezwa n’abanyagihugu bo ku musozi Ciru zivuga ko mu mezi abiri gusa abo bapolisi bakubise bongera bagasinzikariza ubuzima abantu 28 ,muri abo bapolisi havurwamwo ngo n’abagendanira uwurongoye iperereza mu ntara ya Gitega ngo arico gituma abo bapolisi boba bakora ivyo bishakiye ataco binona.

Lambert Habonimana arongoye igipolisi mu ntara ya Gitega wewe amenyesha ko atamuntu n’umwe arihejuru y’amategeko akamenyesha ko amatohoza agiye gutangura kugira uwagiriwe n’icaha ahanwe hisunzwe amategeko. Ikindi uyo arongoye abapolisi b’i Gitega avuga ko cihutirwa n’ugukura abo bapolisi bose kuri uyo musozi.