Ivyigwa vyarahagaze kw’ishuri ritoya rya Nyabutare

Abigisha bo kw’ishuri ritoya rya Nyabutare ryo muri zone Muyange, Komine Nyanza-Lac mu ntara ya Makamba,barahagaritse gutanga ivyigwa kuva kuri uno wa kabiri igenekerezo rya 22 Nzero 2013.

Abo bigisha bo kw’ishuri ritoya rya Nyabutare bamenyesha ko bahagaritse akazi kubera umutekano wabo udakwiye bivuye ko ngo igihe baba bahanye abanyeshuri bakoze amakosa abavyeyi babo hamwe n’ababa hafi y’ishuri baca baza kubatera ubwoba.

Abo bigisha bakaba basaba ko hokorana inama y’abajejwe indero,abavyeyi hamwe n’abajejwe intwaro bo hasi mu ntumbero yo gutorera inyishu itomoye ico kibazo.