Makamba : Abasirikare 2 bakubise abarovyi barafunzwe

Abantu 3 harimwo abasirikare 2 bakubise abarovyi muri komine Nyanza Lac mu ntara ya Makamba mw’ijoro ryo kuri uyu wa kane. Bamaze gufatwa n’igipolisi kirabafunga.

Abo baisrikare bafunzwe bakora mw’ikambi y’i Nyanza-lac mu ntara ya Makamba. Ngo bakubise abarovyi babanje kubaboha n’ibiziriko iruhande y’ikiyaga Tanganyika mu gice ca Nyanza-lac nyene. Abo barovyi bavuga ko hari n’amafaranga arenga ibihumbi 50 basahuwe hamwe n’amatelefone ngendanwa 4.

Abarovyi bo kuri ico cambu bavuga ko hari nk’igihe c’isaha 4 z’ijoro aho babona abantu 3 harimwo 2 bambaye impuzu za gisirikare. Ngo baciye batabaza kuko bashaka kubiba utwabo, abajejwe intwaro baca bahamagara abarongoye ikambi ya gisirikare. Niho rero 2 bamnyekana ko ari abasirikare harimwo uwufise ipete rya lieutenant.

Igipolisi camaze kubafunga kugira hakorwe amatohoza aramvuye. Abarovyi bavuga ko atari irya mbere abajejwe umutekano bashaka kubiba utwabo amafaranga, amalefone n’ibindi.