Advertisement
Kumenyekanisha
  IGIHE.bi \BB Amakuru \BB Amashuri
Muramvya : Abanyeshure batanu bagirizwa gutuka umukuru w’igihugu barekuwe
Yanditswe taliki ya 4-08-2016 - isaha 07:15' na IGIHE

Abanyeshure batanu bo kw’ishure ryisumbuye rya Muramvya bahora bapfungiwe mw’ibohero rikuru rya Muramvya barekuwe. Mu munyororo hasigayeyo babiri baserukira abandi. Abo barekuwe bahora bagirizwa ugutuka umukuru w’igihugu.

Ico caha bacagirijwe inyuma y’aho isanamu y’umukuru w’igihugu Petero NKURUNZIZA iri mu bitabu bakoresha isibanganijwe. Abanyeshure barekuwe ni Fleury Niyonsaba, Avit Ndayizeye, Darlène Dusabumukama, Alice Irakoze hamwe na Ismaïl Ndorimana

Mu munyororo hasigayeyo abanyeshure babiri aribo Alexis Mugerowimana asanzwe ariwe aserukira abanyeshure bo kw’ishure ryisumbuye rya Muramvya, hamwe na Parfait Irankunda, icegera ciwe.

Inama nshingamateka y’Uburundi yaheruka gusabiye ikigongwe abanyeshure bo mu mihingo itandukanye bapfunzwe bagirizwa ugusibanganya isanamu y’umukuru w’igihugu Petero NKURUNZIZA.

Umugwi wamaho mu nama shingamateka y’Uburundi, ujejwe ibibazo vy’indero wavuze ko mu matohoza wakoze, wasanze ata na kimwe cerekana neza ko abo banyeshure bo mu myaka y’umunani n’icenda bapfunzwe aribo vy’ukuri basibanganije iyo sanamu.

Abashingamateka bose bafashe ijambo bahurije ku kigongwe cohabwa abo banyeshure bariko barakurikiranwa n’ubutungane, abamaze guciribwa imanza bapfunzwe nabo bakarekurwa.

Ivyiyumviro vyanyu

Kubemera Uyumwaka Ni Umwaka Wikigogwe.!Tube Abanyakigogwe Nka Data.Yezu Ati Igikuru Murivyosi Ni Urukudo.Yezu,mariya,yozefu Batubere Mugoro.

18.09.2016 à 20:46
Montforo

Nibabagirere Ikigogwe Nabishe Umwanawimana Baragiriwe Ikigogwwo.Bibukeko Imana Ariyonkuru.

18.09.2016 à 20:29
Nzisabira

Nn Abandi Bari Cafunzw ? Nabonyen Nibasng Ubudasib Bazovaya Kuko Imana Ntiyovyemera

17.08.2016 à 15:47
Olivier

mwarakoze cane kugira ico ciyumviro co kubagirira ikigongwe muragahorana uwo mutima

16.08.2016 à 00:29
NDIZEYE

baribakwiyeguhashwa ivyobijuju gumakwivoramutama tuzobatwaramwankamwemera numucuko ntawundimugambwearota atari cndd fdd izotwarakugeza kumuhero iyomijatwohuranumwe nofungwanamukereyekukoagombakudusubizakuntwaroyabatutsinubugomebafisenkajebisobotsenotora20ntora pitagusa

13.08.2016 à 19:56
KANUMA

ANDIKA ICIYUMVIRO CAWE KURI IYI NKURU

AMATEGEKO AGENGA IYANDIKWA RY’ICIYUMVIRO CAWE:
Ntiwandike ibitajanye n’iyi nkuru, ibitutsi, ivyararaza uwundi canke ibicanishamwo, ntiwandike ibiteye isoni.
Andika email yawe aho vyagenewe. Iciyumviro cawe kija ahabona ari uko camaze gusuzumwa na IGIHE.bi.
Ibi bidakurikijwe, iciyumviro cawe gishobora kutaja ahabona canke kigafutwa, murakoze.