Accueil > Amakuru > Ngozi : Abantu 20 barishwe mu mezi 6 aheze-Ligue Iteka
Ngozi : Abantu 20 barishwe mu mezi 6 aheze-Ligue Iteka
jeudi 20 Kigarama 2012
Icegeranyo c’ishirahamwe riharanira agateka ka zina muntu Ligue Iteka cerekana ko abantu bagera kuri 20 aribo bishwe mu mezi 6 aheze, abarenga 20 barakomereka. Hari n’abakenyezi bafashwe ku nguvu.
Ishirahamwe riharanira agateka ka zina muntu Ligue Iteka rimaze iminsi ritanga ivyegeranyo vy’ingene agateka ka zina muntu kifashe mu mezi 6 aheze. Mu ntara Ngozi, Ligue Iteka rivuga ko hishwe abantu barenga 20, abandi barenga 20 barakomereka, abakenyezi barenga 40 barafatwa ku nguvu.
Iryo shirahamwe ryerekana ko ihonyangwa ry’agateka ka zina muntu ryibonekeje cane muri iyo ntara mu mezi 6 aheze.
Abadomwako urutoke ni igipolisi, imigwi y’abasuma bitwaje ibirwanisho hamwe n’urwaruka rw’imbonerakure rwegamiye umugambwe uri k’ubutegetsi.
Ligue Iteka ribabazwa n’uko abakoze iryo honyangwa ry’agateka ka zina muntu batahanywe hisunzwe amategeko.
Pierre Claver Niyonkuru
