Advertisement
Kumenyekanisha
  IGIHE.bi \BB Amakuru \BB Poritike
OLUCOME yarituye umukuru w’igihugu
Yanditswe taliki ya 25-04-2013 - isaha 08:26'

Biciye mw’ikete ryarungikiwe Nyenicubahiro umukuru w’igihugu c’Uburundi, Gabriel Rufyiri arongoye ishirahamwe OLUCOME rijejwe kurwanya igiturire mu Burundi, yamenyesheje ko itegeko rishasha rigiye kugenga abamenyeshamakuru ryari rikwiye gusubira kwigwa n’ababijejwe, kuko ku bwiwe, ririmwo utunenge.

Rufyiri Gabriel ashikiriza ko ingingo ya 19 n’iya 16 y’iryo tegeko ije gusubiza inyuma ubwigenge bwo gushikiriza ivyiyumviro kuko umumenyeshamakuru azotegerezwa gutanga aho yakuye inkuru, ivyo bikazotuma abazitanga bahura n’ingorane z’umutekano muke, ivyo bikaba vyaratangaje ishirahamwe OLUCOME. Iryo tegeko ridakosowe, ibwirizwa shingiro n’ayandi masezerano igihugu cateyeko igikumu bizoba bitubahirijwe.

Uwo arongoye OLUCOME yatanze akarorero akarorero k’amasezerano y’ishirahamwe mpuzamakungu ONU arwanya igiturire, mu ngingo yayo ya 32 ategekanya ikingirwa ry’ivyabona, abahinga n’abahuye n’ivyago. Yisunze utwo tunenge twagaragaye, Gabriel Rufyiri asaba umukuru w’igihugu gusubiza inyuma iryo tegeko mu nama nshingamateka, nk’uko ibwirizwa shingiro, mu karongo k’197 n’198 ribimurekurira.

Ivyiyumviro vyanyu

Ivyo bintu vyugutanga uwaguhaye amakuru sivyo,kuko vyokwicisha beshi.mumenyeko haba namakuru yo mw,ibanpa.

26.04.2013 à 00:18
Bigirindavyi Emmanuel

ANDIKA ICIYUMVIRO CAWE KURI IYI NKURU

AMATEGEKO AGENGA IYANDIKWA RY’ICIYUMVIRO CAWE:
Ntiwandike ibitajanye n’iyi nkuru, ibitutsi, ivyararaza uwundi canke ibicanishamwo, ntiwandike ibiteye isoni.
Andika email yawe aho vyagenewe. Iciyumviro cawe kija ahabona ari uko camaze gusuzumwa na IGIHE.bi.
Ibi bidakurikijwe, iciyumviro cawe gishobora kutaja ahabona canke kigafutwa, murakoze.