Afrika y’epfo : Umugambwe ANC wahimbaje imyaka 105 iheze ushinzwe

umugambwe ANC uri ku butegetsi mu gihugu ca Afrika y’epfo wahimbaje imyaka 105 iheze ushinzwe.

Abayoboke b’uwo mugambwe bashika ibihumbi 70 nibo bitavye ivyo birori. Umukuru w’igihugu Jacob Zuma,yasavye umugambwe kwiyunga no kwumviriza ivyo abanyafrika y’epfo basanzwe basaba.

Ku munsi wa gatandatu igenekerezo rya 7 Nzero, urwego rw’abakenyezi mu mugambwe ANC rwemeje Nkosazana Dlamini-Zuma asanzwe arongoye ishirahamwe ry’Ubumwe bwa Afrika kubaserukira mu matora y’umukuru w’uwo mugambwe.

Umugambwe ANC washinzwe ufise intumbero yo gukura abirabure mu buja bw’inkehwa z’abazungu muri Afrika y’epfo, ubishikako ku ntsinzi ya Nelson Mandela mu 1994.