Accueil > Amakuru > Mu makungu > Amerika : Ibindi bihugu 14 bishobora gukorwako n’itegeko rishasha
Amerika : Ibindi bihugu 14 bishobora gukorwako n’itegeko rishasha
mardi 7 Ntwarante 2017, par
Umunyamabanga wa Reta ajejwe umutekano muri Reta zunze ubumwe za Amerika, John Kelly, yatangaje ko hari itegeko rishasha ry’umukuru w’igihugu rizokora ku bihugu bindi bigera kuri 14, bishobora kwiyongera ku bindi bitandatu bifise abanyagihugu batarekuriwe kwinjira mu gihugu ca Reta zunze ubumwe za Amerika.
Kuri uwa wa mbere, niho umukuru w’igihugu Donald Trump yashize umukono kw’itegeko rishasha, rikumira mu gihe c’iminsi 90 abanyagihugu baturuka mu bihugu bitandatu birimwo bitatu vyo ku mugabane wa Afrika, bibamwo cane abo mw’idini rya Islam.
- Umunyamabanga wa Reta ajejwe umutekano muri Reta zunze ubumwe za Amerika, John Kelly
Ibihugu bigaragara kuri urwo rutonde ni Iran, Syria, Sudani, Libya, Yemen hamwe na Somalia. Bimwe muri ivyo bihugu vyagirizwa ko bishigikiye ibikorwa vy’iterabwoba.
Mu kiganiro na CNN, John Kelly yavuze ko ibihugu bishobora kwiyongera kuri urwo rutonde ari ibifise uburyo bwo kugenzura abashaka kuvyinjiramwo, ubwo buryo bukaba bufise utunenge.
Iryo tegeko rishasha rizotangura gukurikizwa kuwa 16 Ntwarante 2017, ariko rikaba ritaraba abanyagihugu bo muri ivyo bihugu, basanzwe bemerewe kuba muri Amerika kubera uruhusha rwa Green Card.
IGIHE
