Amerika yirukanye abimukira 90 bo muri Somaliya

Abimukira bashika kuri mirongo icenda baturuka muri Somaliya, birukanywe ku butaka bwa Reta za Zunze Ubumwe za Amerika, bahowe kurenga ku mategeko, no kuba bataronkejwe ubuhungiro. Abo bimukira basubijwe ku mugwa mukuru wa Somaliya, i Mogadiscio, kuri uyu wa gatatu.

Ahmed Isse Awad, aserukira Somaliya muri Amerika, yamenyesheje ko abo bimukira bari bararungitse amakete mu biro vyiwe, I Washington DC, basaba gutahukanwa. Awad amenyesha ko ivyegeranyo bivuga kuri abo bimukira vyari bimaze imyaka itatu , nk’uko bivugwa na VOA.

Haraheze imyaka ine, Reta Zunze Ubumwe za Amerika yemeje ko Reta ya Somaliya ibangamiwe n’umugwi w’abiyahuzi al-Shabab. Abasirikare bashika ku bihumbi mirongo ibiri b’Ishirahamwe ry’Ubumwe bwa Afrika bakaba bararungitswe aho muri Somaliya kugwanya abanywanyi b’uwo muhari. Igikorwa bafashwamwo n’abajejwe gutanga inyigisho baturuka muri Amerika.