Emmanuel Macron yituye ubutungane

Umukandida ari imbere mu bagwanira ikibanza c’umukuru w’igihugu mu Bufaransa, Emmanuel Macron, yashingishije urubanza ku bivugwa ko yoba yarabikishije amahera hanze y’igihugu mu kinyegero, mu bihugu vya Caraibes.

Ayo makuru yasohotse inyuma y’aho vyariko biravugwa ko ariwe yitwaye neza mu kiganiro kamarampaka caciye ku mboneshakure, imbere y’amatora ya kabiri ategekanywa ku munsi wa Mungu.

Uwo bahangana muri ico kiganiro, Marine Le Pen, yarasubiyemwo ivyo bivugwa muri ico kiganiro, nk’uko tubikesha BBC.

Emmanuel Macron yituye ubutungane

Macron yitwaye mu butungane yishimikiza ivyanditswe ku rubuga ngurukanabumenyi rw’umugambwe wa Marine Le Pen.

"Ntakizotubuza kwitwarira abipfuza kudutyoza n’uwo wese asubiramwo ivyo abadutyoza bavuze," niko umufasha wa Macron yabwiye itororokanirizo ry’amakuru AFP.