Gitega : Abana babiri baciwe ibiganza (ibikonjo) bagirizwa kwiba ibigori

Amakuru atangwa n’abajejwe intwaro mu ntara ya Gitega, kandi yemezwa n’umuvugizi w’igiporisi c’Uburundi, amenyesha ko abo bana bafashwe bariko bahanyura ibigori. Abasore babiri basanzwe aribo bacungera uwo murima nibo bafashe abo bana baca babaca ibikonjo bakoresheje umupanga n’imbugita.

Abo basore bari mu minwe y’igiporisi, bakaba bapfungiwe mu gasho ka komine Itaba mu ntara ya Gitega.

Abasore babiri baciye ibikonjo vy’abo bana bafashwe n’igiporisi

Abo bana baciwe amaboko bariko bavurizwa mu bitaro bikuru vyo mu Kibuye, muri iyo ntara nyene ya Gitega.